خەندان – کامەران عەبدە ساڵح
لە بۆنەکاندا کەمترین ڕێژەی گەشتیاری بیانی ڕوو لە ناوچە گەشتیارییەکانی سنووری بیتوێن و پشدەر دەکەن، لایەنی پەیوەندیداریش هۆکارەکەی بۆ کەمیی خزمەتگوزاریی گەشتیاری لە ناوچەکەدا دەگەڕێنێتەوە.
دیاری سەعدی بەڕێوەبەری بنکەی گەشتوگوزاری ڕانیە، بە خەندانی ڕاگەیاند: ئەوەندەی تێبینی کراوە، لەکاتی بۆنە و ئاهەنگەکاندا، کەمترین گەشتیاری بیانی ڕوودەکەنە ناوچە گەشتیارییەکانی پشدەر و بیتوێن.
ڕوونیشیکردەوە، هاتنی گەشتیاری عەرەب بۆ ناوچەکە ڕێژەی لەسەدا سفرەو، تەنها ژمارەیەکی کەم لە کوردانی ڕۆژهەڵات سەردانی دەکەن، ئەوانیش بەهۆی بوونی خزم و کەسوکارییانەوەیە لەو ناوچەیەدا.
دیاری سەعدی، ئەوەشی خستەڕوو، کە هەرچەندە لە سنوورەکە دەیان ناوچەی دڵگیر و دڵڕفێن هەن، بەڵام سەرجەم ئەو ناوچانە کەمترین دەستی خزمەتگوزارییان پێگەیشتووە.
وتیشی: گەر گەشتیارێکی بیانی ڕوو لە پشدەر و بیتوێن بکات، لە یەککاتدا ڕووبەڕووی چەندین گرفتی وەک نەبوونی هوتێل و چێشتخانە و کابینە و کەپری گەشتیاری دەبێتەوە.
بە وتەی بەڕێوەبەری بنکەی گەشتوگوزاری ڕانیە، دابینکردنی خزمەتگوزاری بۆ ناوچە گەشتیارییەکان ئەرکی کەرتی تایبەتە، بەڵام زۆربەی سەرمایەدارانی ناوچەکە ئامادەنین لەڕێگەی دروستکردنی کۆمەڵگەی گەشتیاری و پرۆژە جۆراوجۆرەکانی دیکیەی، کەرتی گەشتیاریی ناوچەکەیان ببوژێننەوە.
- 24-03-2014
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,113
Scrivi il tuo commento su questo articolo!