سەرۆکی کۆمەڵەو میوانخانەکانەو چێشتخانەکانی کوردستان ئاماژە بەخراپی دۆخی گەشتیاریی لەهەرێمی کوردستان دەکات و ڕایگەگەیەنێت کە داخستنی میوانخانەکان ڕوولەزیادبوونە و ڕۆژانە بەردەوامی هەیە.
ئاوێنەنیوز، زریان محەمەد: هێرش ئەحمەد کەریم سەرۆکی کۆمەڵەو میوانخانەکانەو چێشتخانەکانی کوردستان بەئاوێنەنیوزی ڕاگەیاند کە جگە لەهۆکارە دیارەکانی وەک قەیرانی دارایی و گرتنی بازگەکان و شەڕی داعش، هاوکات هۆکارێکی دیکەی کەمبونەوەی گەشتیار بۆ کوردستان به و ڕێژە گەورەیە بەشێکی پەیوەندیی بەوەوە هەیە کە ڕاگەیاندنە بیانییەکان کوردستانیان وەک شوێنێکی نائاسایی پیشانداوە کە شەڕی تێدایە.
ژمارەی ئەو ئۆتێل و مۆتێلانەی لەسەرەتای ساڵی 2014ەوە داخراون 72 دانەیەو ڕێژەکەش بەردەوام زیاد دەکات، "ئەوانەی شوێنەکانیشیان دانەخستوە 50% کارمەندەکانی کەمکردۆتەوە".
هێرش ئەحمەد ئاماژە بۆ ئەوەشدەکات کە تا ئیستاش هیچ کارێکی بەرچاو نەکراوە کە بتوانرێت ئەو ژێرخانە بەرزکەینەوە "بەنوسراوی فەرمی داوامان لەوەزارەتی شارەوانی و گەشتوگوزارکردووە فریای ئەو قەیرانە بکەون و ڕێگەچارەیەک بدۆزنەوە بەڵام تا ئێستا بەدەممانەوە نەهاتون".
سەرۆکی کۆمەڵەو میوانخانەکانەو چێشتخانەکانی کوردستان ئاماژەی بەوەشدا زۆرترین ئوتێل و مۆتێل لە شاری هەولێرداخراون و لە سلێمانیش ڕێژەیکی بەرچاوداخراون کە ئۆتێلی پێنج ئەستێرەش لەخۆدەگرێت ئەوانەی داش نەخراون بەڕێژەی 12% میوانیان نیە.
سەبارەت بەو زیانانەی بەر کەرتی گەشتوگوزار کەوتووە ئاماژەی بەوەدا "زیانی گەشتوگوزار لە شەش مانگی کۆتایدا 85 ملیۆن دۆلاربوه و ئەگەر ئەم قەیرانە وابڕوات ڕێژەکە زیاتر دەبێت".
- 21-01-2015
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 9,630
Scrivi il tuo commento su questo articolo!