ئەمڕۆ هەینی 17ی 4ی 2015 لە ئەنجامی کردەوەیەکی تیرۆریستی لە شارۆچکەی عەینکاوەی هەولێری پایتەخەت ژمارەیەک هاووڵاتیی سڤیل شەهید و بریندار بوون. ئەم کردەوە نامرۆڤانەیە ئاماژەیەکی ڕوونە بۆ شکستی تیرۆریستان لەبەرانبەر پێشمەرگە قارەمانەکان و فەشەلهێنانیانە لە بەرەکانی جەنگ.
بۆیە تیرۆریستان ترسنۆکانە پەنا بۆ کردەوەی تیرۆریستی دەبەن و هەوڵ دەدەن ئاسوودەیی هاووڵاتیان بشێوێنن. وێڕای ئیدانەکردنی توندی ئەم کارە قێزەوەنەی تیرۆریستان سەرەخۆشی لە خانەوادەی شەهیدانی تەقینەوەکەی ئەمڕۆی عەینکاوە دەکەین و هیوای چاکبوونەوەیش بۆ برینداران دەخوازین.
لەوەیش دڵنیاین کە هێزەکانی ئاساییش لە زووترین کاتدا ئەنجامدەرانی ئەم کارە دڕندەیە بە سزای خۆیان دەگەیێنن و هاووڵاتییە سەربەرزەکانیش لەوە دڵنیا دەکەینەوە کە هێزەکانی پێشمەرگە و ئاساییش و پۆلیس بە هەموو توانایەکیانەوە ئارامی و ئاسوودەیی وڵات دەپارێزین. با تیرۆریستانیش ئەوە باش بزانین کە ورەی پۆڵایینی هاووڵاتیانی کوردستان بەمجۆرە کردەوانە دانابەزێت و هەموولایەکمان سوورتر دەبین لە ڕووبەڕووبوونەوەی تیرۆر و پێشمەرگە قارەمانەکانیش تۆڵەی خوێنی بە ناهەقڕژاوی هاووڵاتیان، لە بەرەکانی جەنگ دەکەنەوە.
سەرۆکایەتیی هەرێمی کوردستان
17ی 4ی 2015
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 8,485
Scrivi il tuo commento su questo articolo!