رۆژی 3ی جۆزەردانی 1394ی هەتاوی، ئاڵۆزی و کێشە لە نێوان حیزبی دێموکراتی کوردستانی ئێران و پ ک کە لە ناوچە سنووریەکان هاتە ئاراوە کە بە داخەوە پێشمەرگەیەکی حیزبی دێموکرات شەهیدبوو چەند پێشمەرگەیەکیش بریندار بوون. ئەم ڕووداوە جارێکیتر برینی قووڵی شەڕی کورد لە گەڵ کوردی کولاندەوەو هەموو تاکێکی کوردی خەمبار کرد.
بێگومان لێکۆڵینەوە لەم ڕووداوەو دۆزینەوەی هۆکارەکانی و ڕێگەنەدان بە دووپات بوونەوەی ئەرکێکی مرۆیی و نەتەوەییە، بەڵام ئەوەی لێرەدا بۆ ئێمە ژنان گرنگە، هێور کردنەوەی بارودۆخەکە و دوور کەوتنەوە لە شەڕ و ئاڵۆزی لە نێوان دوو هێزی کوردیە. گەلی کورد لەم کاتە کە ناوچەکە لە ژێر هێرشی هێزێکی دڕندە وەک داعشە و ئاڵوگۆرەکان بە خێرایی تێدەپەڕێت و لە کاتێکدا کۆبانێ توانی حەماسە و خۆراگری و بەرخۆدان بخۆڵقێنێ و هەموو کورد هاودەنگ و هاوڕا بکات و سەرنجی هەموو جیهان بۆ لای پرسی کورد ڕابکێشێت، کەشی ئەمنیەتی زاڵ بەسەر ڕۆژهەڵاتی کوردستان ڕۆژ لەگەڵ ڕۆژ توندتر دەبێ و دەرەتانی هیچ شێوە دەربڕینێکی ئاشتیخوازانە نیە و خەڵکی وەزاڵە هاتووی تینووی ئازادی چاڕەوانی ترووسکایەکن،دوو هێزی کوردی لە بەرانبەر یەک بوەستنەوەو دڵی دۆژمنانی پێ شاد بکەن.
کوردستان مۆڵکی تایبەتی لایەنێک و کەسێک نییە، بەڵکوو مۆڵکی هەموومانە و دەبێ بە تەبایی و یەکریزی بۆ سەرخستنی بزوتنەوەی کورد هەوڵ بدەین. مێژووی گەلی کورد لە هەمانکات کە پڕە لە سەروەری و تێکۆشان لە بەرانبەر داگیرکەران و هارترین ڕژیمەکانی سەردەم، هاوکاتیش شاهێدی شەڕی ناوخۆیی و هێزە سیاسیەکانی لە گەڵ یەک بووە کە ئەمە خەسارێکی قەرەبوونەکراوە لە جەستەی بزاڤی گەلی کورد بووە، ئەمرۆ حەق وایە بە دەرس وەرگرتن لە مێژوو، ڕێگە نەدەین شەڕی کورد لە دژی کورد سەرهەڵبداتەوەو ڕۆڵە قارەمانەکانمان بە دەستی یەکتر شەهید بکرێن.
ئێمە وەک ناوەندی ڕێکخراوەکانی ژنانی کوردستانی ڕۆژهەڵات داوا لە سەرجەم لایەنە سیاسیە کوردیەکانی هەموو بەشەکانی کوردستان و بە تایبەت ڕۆژهەڵات دەکەین تا هەموو هەوڵەکانی خۆیان وەگەڕ بخەن بۆ پاراستنی یەکدەنگی و یەکریزی بزاڤی گەلی کورد و ڕێگە نەدەن شەڕ لە نێوان هێزە کوردیەکان ڕوو بدات. ئەمە تەنیا بە زەرەری گەلی کورد و بە قازانجی نەیاران و دۆژمنانمانە. ئێمە ژنان ئاشتی و تەبایی و یەکدەنگی و یەکریزیمان دەوێت بۆ گەلەکەمان.
نا بۆ شەڕی کورد دژی کورد
بژی یەکریزی و یەکدەنگی گەلی کورد
ناوەندی ڕێکخراوەکانی ژنانی کوردستانی ڕۆژهەڵات
4ی جۆزەردانی 1394ی هەتاویی
25ی مەی 2015ی زایینی
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 9,164
Scrivi il tuo commento su questo articolo!