وەزارەتی تەندروستی حکومەتی هەرێمی کوردستان ڕایدەگەیەنێت، ڕەزامەندی درا لەلایەن سەرۆکایەتی حکومەتی هەرێمەوە بۆ خەرجکردنی بڕی (500،000) پێنج سەد هەزار دینار مانگانە بۆ هەڵگرانی ڤایرۆسی کەمی بەرگری لەش و ئەیدز کە ژمارەیان (20) نەخۆشە لە هەرێمی کوردستان.
ئەمڕۆ 30ی ئابی 2015، لە گەیەندراوێکی وەزارەتی تەندروستی حکومەتی هەرێمدا کە وێنەیەکی بۆ خەندان نێردراوە تیایدا هاتووە: " بە مەبەستی پتەوکردنی ڕێ و شوێنە خۆپارێزیەکانی پێشگری لە نەخۆشی ئەیدز لە هەرێمی کوردستان و هاوکاری زیاتری توشبوانی نەخۆشیەکە لەگەڵ تیمەکانی پاراستنی تەندروستی و چارەسەکردنی ئه و حاڵەتانەی پێویستیان بە چارەسەرکردنی لەسەر داوای وەزارەتمان ڕەزامەندی درا لەلایەن سەرۆکایەتی حکومەتی هەرێمەوە بۆ خەرجکردنی بڕی (500،000) پێنج سەد هەزار دینار مانگانە بۆ هەڵگرانی ڤایرۆسی کەمی بەرگری لەش و ئەیدز کە ژمارەیان (20) نەخۆشە لە هەرێمی کوردستان".
هەروەها ئاماژە بەوەشکراوە کە، "داواکارین نەخۆشان و هەڵگرانی ڤایرۆسی (HIV) پابەندی ڕێنماییە خۆپارێزیەکانی دەزگا تەندروستیەکان ببن و لە کاتە دیاریکراوەکانی سەردان و پشکنین سەردانی هۆبەکانی کۆنترۆلی نەخۆشی ئەیدز بکەن لە پارێزگاکانی هەرێم لە پێناو پاراستنی تەندروستی خۆیان و هاوکاربوون لە کۆنترۆلی نەخۆشیەکە لە کوردستان".
- 30-08-2015
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,575
Scrivi il tuo commento su questo articolo!