لە 1964 لەگوندی قوتان لەدایکبووەو تا قۆناغی یەکی ناوەندی خوێندووە، لەبەهاری ساڵی 1983 ڕوو لەئێزگەی دەنگی گەلی کوردستان دەکات و لەڕیزەکانی (ی، ن، ک) دەبێت بەپێشمەرگە، پاش ماوەیەکی کەم دەگەڕێتەوە سنوری تیپی (21)ی #کەرکووک# و درێژە بەخەبات دەدات، پاشان وەک فەرماندەی مەفرەزە لەکەرتی چواری تیپی (25)ی خاڵخالان بەردەوام دەبێت، هاوکات ئەندامێکی چالاکی کۆمەڵەی ڕەنجدەرانی کوردستان بوو، خاوەن بیرێکی فراوان و شۆڕشگێڕانە بوو.
شەهید لەماوەی ژیانی پێشمەرگایەتیدا بەشداری زۆربەی شەڕەکانی سنوری تیپی (21)ی کەرکووک و (25)ی خاڵخالانی کردووە، هەروەها بەشداری داستانی دابان- هەلاج و شەڕەکانی سەرجادەی دوکانی کردووەو پێشمەرگەیەکی هەمیشە قسە و ڕووخۆش بووەو تەنانەت ماڵی خانەوادەکەشی شوێنی حەوانەوەو خۆحەشاردانی پێشمەرگە بووەو زۆر دڵسۆزو وەفاداری یەکێتی بوون.
شەهید شاهۆلەشەوی 7-08-08-1985 لەشیوەسوور لەگرتنی چەند ڕەبییەیەکی بەکرێگیراوەکانی ڕژێمی بەعس لەگەڵ (7) حەوت هەڤاڵی تری شەهیددەبێت و دەگاتە کاروانی شەهیدانەوەو تەنانەت لەبەر سەختی شوێنەکەیان تەرمەکانیان دەکەوێتە بەردەستی ڕژێم و ڕۆژی دواتر تەرمەکانیان لە (رێدار) بەشێوەیەکی ناشیرین پیشانی خەڵکی دەدەن و پاشان شارەوانی کەرکووک بەنهێنی لەگۆڕستانی شێخ محێدین بەخاکیان دەسپێرن، بەلام دواتر لەڕێگای کەسێکەوە شوێنی گۆڕەکەیان بۆ ئاشکرادەکرێت و کەسوکاریان بەنهێنی سەردانی گۆڕی ڕۆڵە جوانەمەرگەکانیان دەکەن.
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,652
Scrivi il tuo commento su questo articolo!