دواڕۆژ، ڕێزە حسێن
بەپێی زانیاری بەڕێوەبەرایەتی گشتی پەروەردەی پارێزگای سلێمانی، بەهۆی بایکۆتی مامۆستایان لە پڕۆسەی خوێندنی ئەمساڵدا، بە سەدان هەزار خوێندکار لە پارێزگای سلێمانی و دەوروبەری چارەنوسی خوێندنیان نادریارە.
کەمال نوری بەڕێوەی پەروەردەی ڕۆژئاوای پارێزگای سلێمانی لەوبارەیەوە تایبەت بە دواڕۆژ وتی "ئەمساڵ بەهۆی بایکۆتی سەرتاسەری مامۆستایان لە خوێندنگە حکومیەکان لە سنوری سلێمانی و دەوربەری ژمارەیەکی زۆری خوێندکار چارەنوسی خوێندنی ئەمسالێیان نادیارە، هەروەک جگە لە ژمارەیەکی کەمی خوێندنگە ئەهلیەکان لە ئێستادا سەرجەم دەرگای داینگه و باخچه و خوێندنگە حکومیەکان داخراون".
وتیشی "ئەمساڵ لە سنوری سلێمانی و دەوروبەری زیاتر لە 1000 خوێندنگە دەرگایان داخراون و هاوکات زیاتر لە 400 هەزار خوێندکاریش چارەنوسی خوێندنی ئەمساڵیان نادیارە، هەروەک لە ئێستادا لە پارێزگای سلێمانی بە کۆی گشتی زیاتر لە 37 هەزار مامۆستاش بایکۆتی خوێندنی ئەساڵی 2016-2017یان کردووە".
- 09-10-2016
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,076