بە ناوی خوای گەورە و میهرەبان
بۆ بنەماڵەی شاعیری گەورەی گەلەکەمان، خوالێخۆشبوو خالدی حسامی (مام هێدی)
بە داخ و پەژارەیەکی زۆرەوە هەواڵی کۆچی دوایی شاعیری گەورەو ناسراوی گەلەکەمان مامۆستا خالدی حسامی (مام هێدی)مان پێگەیشت. مام هێدی، شاعیرێکی گەورە و تێکۆشەر و شۆڕشگێڕێکی بەباوەڕ و بە هەڵوێست بوو. ژیانی خۆی لە پێناوی دۆزی ڕەوای گەلەکەی و سەرکەوتنی خەباتی کوردایەتیدا بەسەر برد و لەو پێناوەشدا ئاوارەیی و ماندووییەکی زۆری چێشت.
هێدی نموونەی وەفا و دلسۆزی و نیشتمانپەروەری بوو. هیچ سنورێکی بۆ کوردایەتی و خەباتی نەتەوەیی نەدەناسی. هەر بۆیەش هەمیشە لە لایەن نیشتمانپەروەر و تێکۆشەرانەوە بە چاوی ڕێز و تەقدیرەوە چاوی لێدەکرا و یەکێکیش بوو لەو کەسایەتییانەی لای جەنابی بارزانی نەمر هەردەم جێی ڕێز و حورمەت بوو. لە دەستدانی مام هێدی خەسارەتێکی مەزن بوو بۆ گەلەکەمان و ئەدەب و فەرهەنگی کوردەواری. لە پرسەی مام هێدی دا سەرەخۆشی لە خۆمان و بنەماڵە و کەسو کاری ڕەحمەتی و تەواوی ئەدیب و نوسەر و شاعیرانی کوردستان دەکەم و خۆمان بە خاوەن پرسە و بەشداری خەمتان دەزانین.
سڵاو لە گیانی پاکی مام هێدی و لە خودای مەزن داواکارین جێگەی بەهەشتی بەرین بێت و سەبر و ئارامی بە هەموو لایەک ببەخشێت.
انا لله و انا الیە ڕاجعون
مەسعود بارزانی
29-10-2016
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 5,738
Scrivi il tuo commento su questo articolo!