دواڕۆژ، هۆگر کەمال
بەڕێوەبەری کشتوکاڵ و ئاودێری سلێمانی ڕایدەگەیەنێت، بەهۆی دواکەوتنی باران و نزمبوونەوەی پلەکانی گەرما، ئەمساڵ بەرهەمی گەنم و دانەوێڵە کەم و بێ بڕشت دەبێت.
شاڵاو جەمال، بەڕێوەبەری کشتوکاڵ و ئاودێری سلێمانی، بە دواڕۆژی وت "بەپێی ئەو توێژینەوانەی لە سلێمانی کراوە باشترین کات بۆ ئەوەی زەوی پەڵەبدات، لە 15/10 بۆ 15/11 یە، ئەمەش لەبەر ئەوەی لەوکاتەدا پلەی گەرمی لە نێوان 20 تا 25 پلەیە و باشترین پلەیە بۆ چاندنی گەنم".
وتیشی" پێویستە گەنم شەش مانگی پێبچێت بۆ ئەوەی ببێتە بەرهەم، بەڵام بە دواکەوتنی پەڵە و باران بارین، گەنمەکە کەمتر لەناو زەویی دەبێت، بەمەش گەنمێکی بە بڕشت و جوان دەرناچێت و بەرهەمەکەشی کەمتر دەبێت لەچاو ساڵاندا، چونکە دابەزینی پەلەکانی گەرما وادەکات ڕێژەی ڕواندن کەمبێتەوە".
شاڵاو جەمال، ئاماژەی بەوەشدا "ئەگەرچی کاتە گونجاوەکەی پەڵەدانی زەویی لە سلێمانی تێپەڕیوە، بەڵام ئاساییە ئەگەر گەنمەکە بچێندرێت و جوتیاریش کاری خۆی هەر دەکات".
ئەوەشی خستەڕوو "پەڵەدان بریتییە لە تێرخواردنەوەی زەویی بە ئاو بۆ ئەوەی شێیەکی باش لەناو زەویی دروست بکات و کاتێک تۆوەکە دەچێندرێت، گەنمەکە بڕوێت، بەڵام جگەلە پەڵەدان هەموو دانەوێڵەیەک و نەباتێک پێویستیان بە پلەیەکی گەرمی گونجاو هەیە".
بەوتەی بەڕێوەبەری کشتوکاڵ، لە سنوری پارێزگای سلێمانی دوو ملیۆن و 800 هەزار دۆنم زەویی گونجاو بۆ کشتوکاڵ هەیە، لە 10%ی ئەو زەویانەش بەراون.
- 30-11-2016
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 6,878
Scrivi il tuo commento su questo articolo!