دواڕۆژ، عەلی عومەر
خانەی بەساڵاچوانی سلێمانی ڕایدەگەیەنێت، ساڵی ڕابردوو 57 کەسی بەتەمەن لەلایەن کەسوکارەکانیانەوە ڕەوانەی خانەکەیان کراوە و له و ژمارەیەش هەندێکیان وەرگیراون.
فەرەیدون عەزیز، توێژەری کۆمەڵایەتی لە خانەی بەساڵاچووان ئەمڕۆ سێشەممە 24ی کانونی دووەمی 2017 لە کۆنگرەیەکی ڕۆژنامەوانیدا ڕایگەیاند "لە ساڵی 2016دا ڕێژەی ئامادەبوونی ڕۆژانە لەماڵی بەساڵاچوان 44 کەس بووە کە لەوانە 35 کەسیان پیاو و 9 کەسیان ژن بووە. وتیشی، هەروەها ڕێژەی بەساڵاچوانی پەککەوتەش کە توانای جوڵەیان نیە 16 کەس بووە کە 10یان پیاو و شەشیشیان ژن بووە.
وتیشی، ڕێژەی بەساڵاچوانی هاتوو بۆ خانەی بەساڵاچوان لە ساڵی ڕابردوو 57 کەس بووە کە 20 کەسیان وەرگیراون و 19یان وەرنەگیراون و، 18 کەسیشیان دوای بانگکردنی خێزانەکانیان و چارەسەرکردنی کێشەکانیان گەڕاونەتەوە ناو ماڵەکانیان.
سەبارەت به و بەساڵاچوانەش کە وەرنەگیراوە فەرەیدون عەزیز ڕاشیگەیاند، ئه و بەساڵاچوانەی وەرنەگیراون بە هۆکارێکی تایبەت بووە یان بەهۆی نەبوونی مەرجەکانی وەرگرتن بووە.
ئه و توێژەرەی خانەی بەساڵاچوان ئاماژەی بەوەشدا، لە ساڵی 2016دا 7 بەساڵاچوو لە خانەکەیان کۆچی دواییانکردووە.
- 24-01-2017
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,272
Scrivi il tuo commento su questo articolo!