سەرۆکی فیدراسیۆنی پەنابەرانی هەرێمی کوردستان، ڕای دەگەیەنێت، بەهۆی کۆچی بە لێشاوی هاووڵاتیانەوە بۆ #ئەوروپا#، زیاتر لە 158 کۆچبەر گیانیان لەدەستداوە، ئاشکراشی کرد، کە دیپۆرتی کۆچبەران بەردەوامە و بەشێکیان بەهۆی بەزۆر ناردنەوەیان تووشی شڵەژانی دەروونی بوون و چەند کەسێکیشیان بەو هۆیەوە خۆیان کوشتووە.
ئاری جەلال، سەرۆکی فیدراسیۆنی پەنابەرانی هەرێمی کوردستان، ڕایگەیاند : تا مانگی ئاداری ساڵی 2016 زیاتر لە 200 هەزار هاووڵاتی عێراقی کە لە نێویاندا 50 هەزار هاووڵاتی کورد هەیە، بۆ هەندەران کۆچیان کردووە.
ئەوەی خستەڕوو، کە له و ژمارەیە، (158) هاووڵاتی هەرێمی کوردستان، کە زۆرینەیان ژن و منداڵ بوون، گیانیان لەدەست داوە و لەو ژمارەیەش زیاتر لە 54 کەسیان بێسەرو شوێن بوون.
ئاماژەی بەوەش کرد، کە دیپۆرتکردنەوەی هاووڵاتیان لە ئەوروپا بەردەوامە، بەجۆرێک لە سەرەتای ساڵی 2011 زیاتر لە شەش هەزار و 500 هاووڵاتی هەرێمی کوردستان بەزۆر نێردراونەتەوە، بەو هۆیەشەوە پێنج هاوڵاتی خۆیان کوشتووە، هەروەها بەشێکی زۆری ئەو هاوڵاتیانەی ڕەوانەی هەرێمی کوردستان کرەونەتەوە، ڕووبەڕووی شڵەژانی دەروونی بوونەتەوە، گوتیشی: لە ئێستادا لەلایەن وڵاتانی ئەوروپاوە بەهەمان شێوە پرۆسەی ناردنەوەی پەنابەران خەریکە دەست پێدەکاتەوە، بەڵام ئێمە بەهۆی پەیوەندییەکانی نێوان حکومەتی هەرێمی کوردستان و وڵاتانی ئەوروپا هەوڵی ئەوە دەدەین دیپۆرتی پەنابەرانی کورد لە ئەوروپا ڕابگرین.
سەرۆکی فیدراسیۆنی پەنابەران باسی لەوەش کرد، کە : پێویستە حکوومەتی هەرێمی کوردستان، هاوکاری فیدراسیۆنی پەنابەران بکات، بۆ ئەوەی بتوانرێت کار بۆ گەڕانەوەی تەرمی ئەو کەسانە بکەین، کە تائێستا کەسوکاریان چاوەڕێی گەڕانەوە تەرمەکانیان دەکەن.
باسنیوز
#21-06-2017#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,558
Scrivi il tuo commento su questo articolo!