لە ماوەی دوو ڕۆژی ڕابردووی جەژن لە دەروازەی سنووری نێودەوڵەتی ئیبراهیم خەلیلەوە نزیکەی 4 هەزار گەشتیار چوونەتە وڵاتی #تورکیا# و شارەکانی #باکووری کوردستان#. یوسف موسا، پەیامنێری تۆڕی میدیایی ڕووداو لە #زاخۆ#، ڕایگەیاند: بەپێی ئەو ئامارانەی لە دەروازەی سنووری ئیبراهیم خەلیلەوە دەست ڕووداو کەوتوون، لە یەکەم و دووەم ڕۆژی جەژن نزیکەی 4 هەزار گەشتیار لەو دەروازەوە چوونەتە وڵاتی تورکیا و لە بەرامبەریشدا 2 هەزار گەشتیار هاتوونەتە #باشووری کوردستان#. پەیامنێری ڕووداو دەڵێت: زۆربەی ئەو گەشتانەی بۆ تورکیا ئەنجام دەدەرێن بۆ شارەکانی #ئیستەنبوڵ# و #ئەنتاڵیا#یە و بەشێکیشان ڕوو لە ناوچەکانی باکووری کوردستان دەکەن. بەڕێوەبەرایەتی گەشتوگوزاری زاخۆ پێشبینی ئەوە دەکات لە ماوەی 10 ڕۆژ نزیکەی 50 هەزار گەشتیار لە دەروازەی سنووری ئیبراهیم خەلیلەوە هاتووچۆ بکەن.
27-06-2017
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 3,895