حکوومەتی یابان بە نزیکەی 500 هەزار دۆلار هاوکاریی #دەزگای گشتیی کاروباری مین# لە کوردستان، دەکات.
بەپێی هەواڵێکی ماڵپەڕی فەرمیی دەزگای گشتیی کاروباری مین، ڕۆژی سێشەممە 1\8\2017، عەلی حەمەد بەگ، جێگری سەرۆکی دەزگاکە گرێبەستێکی لەگەڵ کۆمپانیای (ڤارا) واژۆ کردووە، بۆ کڕینی ئامێر و کەلوپەلی تایبەت بە هەڵگرتنەوەی مین.
هەروەک ماڵپەڕەکە ئاماژەی پێ کردووە، حکوومەتی یابان بڕی 495 هەزار و 500 دۆلاری بۆ ئەم مەبەستە تەرخان کردووە، وەک هاوکاریی بۆ دەزگای مین بە مەبەستی خێراکردنی پرۆسەی پاکسازیی مین لە کوردستان.
بەهۆی شەڕ و داگیرکاریی سوپای عێراق لە ساڵانی پێش ڕاپەڕینی بەهاری 1991ی گەلی کوردستان و هێرشی ڕێکخراوی تیرۆریستی داعش بۆ کوردستان، بەشێکی ناوچە سنوورییەکانی کوردستان لەلایەن ڕژێمی عێراق و داعشەوە مینڕێژ کراون.
#01-08-2017#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,565