لە ماوەی مانگی تەمووزدا 44 هاووڵاتیی کوردی ئێزدی لەدەستی تیرۆریستانی داعش ڕزگار کراون و حکوومەتی هەرێمیش بەردەوامە لە دۆزینەوەی کەسانی دیکە و گێڕانەوەیان بۆ ناو ماڵباتیان.
بەڕێوەبەرایەتیی کاروباری ئێزدییەکان لە #وەزارەتی ئەوقاف# و کاروباری ئایینی حکوومەتی هەرێمی کوردستان ئاماری قوربانیان ڕفێندراوان و ڕزگارکراوەکانی ئێزدی لەسەردەستی تیرۆریستانی داعشی لە مانگی ڕابردوودا بڵاو کردە و بەپێی ئامارەکە تەنیا لە مانگی حەوتی ئەمساڵدا (44) هاووڵاتیی کوردی ئێزدی لە دەستی داعش ڕزگار کراون.
بەپێی ئەو ئامارەی کە بڵاو کراوەتەوە و بە بەراوردکردنی لەگەڵ ئاماری مانگی شەشدا دەرکەوتووە کە لە مانگی 8ی ساڵی 2014 دوای داگیرکردنی شنگال لەلایەن تیرۆریستانی داعشدا تا مانگی شەشی ئەمساڵ سێ هەزار و 48 دیلی ئێزیدی لە دەستی داعش ڕزگار کراون و لە مانگی حەوتدا ئاماری ڕزگارکراون بۆ سێ هەزار و 92 ڕزگارکراو بەرز بووەتەوە.
هەر لە ئامارەکەدا هاتووەدا کە ئافرەتە ڕزگارکراوەکانی ئێزدی تا مانگی شەشی ئەمساڵ هەزار و 92 ئافرەت ڕزگار کراون و لە مانگی حەوتدا بۆ هەزار و 102 ئافرەتی ڕزگارکراو بەرز بووەتەوە.
هەر لە ئامارەکەدا هاتووە کە تا ئێستا 3 هەزار و 325 ڕفێندراوی ئێزدی لەدەست داعشدا ماون.
مانگی هەشتی ساڵی 2014 سوپای عیراق و سیاسەتی هەڵەی نووری مالیکی سەرۆکوەزیرانی ئەوکاتەی عێراق هێلەکانی بەرگرییان بەرامبەر تیرۆریستان چۆڵ کرد و بەو هۆیەوە مووسڵ و قەزای شنگال کەوتنە دەست داعش و بەو هۆیەوە هەزاران کوردی ئێزدی بوونە قوربانی و هەمووشیان ڕوویان لە هەرێمی کوردستان کرد.
01-08-2017
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 3,485
Scrivi il tuo commento su questo articolo!