لەم دەشتە بەپیتەی سنوری #پێنجوێن#دا ساڵانە بە سەدان تەن بەروبوومی کشتوکاڵی جۆراوجۆر بەرهەمدەهێنرێت، بەڵام تائێستا عەلوەیەک له ناوچەکەدا نییە بۆ ساغکردنەوه و هەڵگرتنی بەرهەمەکان، جوتیاران به ناچاری بەرهەمەکانیان دەنێرنە عەلوەی #سلێمانی# و شارەکانی دیکە.
ڕووبەری زەوییە چێنراوەکان بە شوتی و کاڵەک و تەماتە و خەیار ساڵ به ساڵ لە پێنجوێن زیاد دەکات بەشێوەیەک لە ساڵی 2016دا 17 هەزار دۆنم زەوی کراوە بە بەروبومی هاوینه و ئەمساڵ ڕێژەکە بۆ زیاتر لە 20 هەزار دۆنم زیادیکردوە.
ساڵانە لەکاتی پێگەیشتنی بەرهەمی هاوینەدا چەند عەلوەیەکی کاتی له نزیک کێڵگە کشتوکاڵییەکان لەلایەن ژمارەیەک بازرگانەوە دەکرێنەوە بۆئەوەی بەروبوومی جوتیاران بکڕنەوه و ڕەوانەی عەلوەی شارەکانی دەکەن.
لەگەڵ ئەوەی تائێستا عەلوە سەرەکییەکانی پارێزگاکانی هەرێمی کوردستان بە شێوەیەکی ڕاستەوخۆ لەژێر سەرپەرشتی هیچ وەزارەت و دامەزراوەیەکی حکومیدا نین، بەڵام بەرپرسانی حکومی لە پێنجوێن عەلوەیەکی گەورە و فەرمی لە قەزاکەیاندا بەپێویست دەزانن.
بەپێی ئاماری #وەزارەتی کشتوکاڵ#، هەرێمی کوردستان ساڵانە پێویستی بە نزیکەی 740 هەزار تەن سەوزە و زیاتر لە 310 هەزار تەن میوەیە، کە بە بەرهەمی ناوخۆ و هاوردەکراو ئەو ڕێژەیە پڕدەکرێتەوە.[1]
27-08-2017
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,620
Scrivi il tuo commento su questo articolo!