دواڕۆژ، #بورهان یەحیا#
بەرپرسێ کاروبارێن پشکنینێ ل رێڤەبەرییا گشتییا #گەشتوگوزار# دهۆک راگەهاند کو؛ ل رۆژانێن سەرێ سالێ 12216 گەشتیار ل چار خالێن سنۆری هاتینە ناڤ پارێزگەهێ کو پترییا وان ژ دەرگەهێ سنۆریێ ئیبراهیم خەلیل بووینە.
شەمال جەعفەر بەرپرسێ کاروبارێن پشکنینێ ل رێڤەبەرییا گشتییا گەشتوگوزار دهۆک بۆ دواڕۆژ رۆهنکر؛ ل 25 هەتا 31 کانوونا دووێ 2017ێ 12216 گەشیار ل هەر چار خالێن ئیبراهیم خەلیل، سەرزێرێ، ئالۆکا و دەرگەهێ ئاکرێ هاتینە ناڤ پارێزگەها دهۆک و رێژەیا هەرە پتر ژ دەرگەهێ ئیبراهیم خەلیل و دووڤدا دەرگەهێ ئاکرێ چونکو نێزیکی هەولێرێیە و رێکا مووسل بۆ دهۆک نەهاتییە ڤەکرن و گەشتیارێ باشۆر و ناڤەراستێ ئیراقێ نەچارە ب رێکا هەولێرە بهێتە ناڤ دهۆکێ.
ناڤبۆری ئاماژەکر کو؛ گەشتیار یان ب رێکا گرۆپان ب تاکەکەسی و خێزان بەرەڤ دهۆکێ دهێن و ب کێمی سێ رۆژان دمینن و پارەی ل هۆتێل، تەکسی، خواران، پانزین و دیاریان و هندەک تشتێن دی دمەزێخیت.
ب گۆرەی داتایێن دەستەیا گەشتوگوزارێ هەر گەشتیارەک 70 دۆلاران دمەزێخیت و ب ڤی رەنگی داهاتێ 12216 گەشتیاران بۆ پارێزگەها دهۆک پتری 855 هزار دۆلارن.[1]
#02-01-2018#
Questo articolo è stato scritto in (کرمانجی - Upper Kurdish (Arami)) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 4,501
Scrivi il tuo commento su questo articolo!