بەگوێرەی ڕاپۆرتی ساڵانەی ڕێکخراوی (پرۆژەی دادی جیهانی) تورکیا لەروی سەروەری یاساوە پاشەکشەیەکی گەورەی کردوە.
ئەو ڕێکخراوە سەربەخۆیە کە بارەگای سەرەکی لە ئەمریکایە و ساڵانە ڕیزبەندی ئەو وڵاتانە بڵاو دەکاتەوە کە یاسا تێیاندا سەروەرە و بە گوێرەی ئەو ڕیزبەندیەی بۆ سالی 2017-2018 ئەنجام دراوە تورکیا دوو پلە پاشەکشەی کردوە.
لەو ڕیزبەندیەدا لە کۆی 113 وڵات کە سەروەری یاسا تێیاندا پارێزراوە تورکیا دابەزیوە بۆ ژمارە 101.
راپۆرتەکە پەردەی لەسەر ئەوە هەڵداوەتەوە کە لەوەتەی یاسای باری نائاسایی لەدوای کودەتاکەی 2016ەوە بەسەر وڵاتدا سەپێندراوە سەروەری یاسا بەشێوەیەکی بەچاو پیشێل دەکرێت.
پێشتریش لە ڕاپۆرتێکدا کە خانەی ئازادی بڵاوی کردبۆوە پێگەی تورکیای بە (نائازاد) لەقەڵەم دابوو.
بەگوێرەی ڕاپۆرتەکەی پرۆژەی دادی جیهانی وڵاتی دانیمارک پلەی یەکەمی هەیە لەڕوی سەروەری یاساوە و بەدواشیدا نەرویج و فینلەندا و سوید دێت.
هەر بەگوێرەی ڕاپۆرتەکە تورکیا پلە 101ە و لە ڕوی سەروەری یاساوە لە بەنگلادیش و میسر و ئەفغانستان باشترە.
وەرگێڕانی: کامەران ئەحمەد[1]
#02-02-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 5,402
Scrivi il tuo commento su questo articolo!