دواڕۆژ؛ #ڕێژنە عەلی#
پەرلەمانتارێکی کوردستان ئاشکرای دەکات لە ماوەی 10 ساڵی ڕابردوودا بایی 7 ملیار و 139 ملیۆن دۆلار سەوزە و میوە هاوردەی هەرێمی کوردستان کراوە، هەروەها بڕ و ڕێژەی سەوزە و میوەی خۆماڵی و هاوردەش بۆ ساڵی ڕابردوو دەخاتەڕوو.
عەبدولڕەحمان عەلی، ئەندامی لیژنەکانی کشتوکاڵ و ئاودێری و بازرگانی و مافی بەکاربەر لە پەرلەمانی کوردستان بەدواڕۆژی ڕاگەیاند هەرچەندە هەرێمی کوردستان زۆر بەزیادەوە خاوەنی هەموو ڕەگەزەکانی بەرهەمهێنانی کشتوکاڵییە، بەڵام هەرگیز نەتوانراوە پێداویستی نیوەی دانیشتوانەکەی پڕبکاتەوە.
ناوبراو، بڕ و ڕێژەی سەوزە و میوەی خۆماڵی و هاوردەی بۆ ساڵی ڕابردوو خستەڕوو و وتی یەک ملیۆن و 405 هەزار و 656 تۆن سەوزە و میوە بەکار هاتووە، له و بڕە 901 هەزار و 157 تۆنی بەرهەمی خۆماڵی بووە، کە دەکاتە ڕێژەی 64%، هەروەها بڕی 504 هەزار و 499 تۆنیش سەوزە هاوردە کراوە کەدەکاتە ڕێژەی 36%.
ئه و پەرلەمانتارە ئاماژەی بەوەکرد، هەر لە ساڵی ڕابردوو بڕی 405 هەزار و 23 تۆن میوە بەکارهاتووە، لەوەش 68 هەزار و 194 تۆنی خۆماڵی بووە، کە ڕێژەی 17%ی میوە دەکات، بەڵام بڕی میوەی هاوردەکراو بریتیبووە لە 336 هەزار و 829 تۆن و ڕێژەکەشی 83%یە، واتە سەوزە و میوەی هاوردەکراو بۆ هەرێم زیاتر لە 80%ی لەوڵاتانی تورکیاو ئێرانەوە دێن.
عەبدولڕەحمان عەلی ئاماژەی بەوەشکرد، بەپێی ئامارە فەرمیيەکان لەماوەی 10 ساڵدا (2004 تا 2014) هەرێمی کوردستان بایی 7 ملیار و 139 ملیۆن دۆلار سەوزە و میوە هاوردەی هەرێم کراوە، کە ئەگەر پلانی کورتخایەن و درێژخایەن لەلایەن لایەنی پەیوەندیدارەوە هەبوایە ئەوا دەتوانرا بەبڕی تەنها 25%ی ئه و پارەیەی بۆ هاوردەی سەوزە و میوە بچوایە وڵاتانی دەرەوە.[1]
#07-04-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,941
Scrivi il tuo commento su questo articolo!