دەقی لێدوانەکە:
هێزەکانی ڕژێمی بەعس هێرشیان کردە سەر خاڵەکانی هێزەکانمان لە گوندەکانی دێرەزۆر و ویستیان ڕێگری لە بەردەم هەڵمەتی گەردەلوولی جزیر و شەڕی دژەتێرۆر بکەن. هێزەکانی ئێمەش وەڵامی هێرشەکەیان دایەوە.
لە دوای هێرشەکە، هێزەکانی ڕژێم ڕایانگەیاند کە ئەوان دەستیان بەسەر 4 گوندی دێرەزۆردا گرتووە. هێزەکانی ئێمەش خاڵەکانی هێزەکانی ڕژێمیان لە هەرێمەکە بەئامانج گرت و هەر چوار گوندیان کۆنتڕۆڵ کردەوە.
لە کاتێکدا کە هێزەکانی قەسەدە ئامادەکاری دەکەن بۆ بەردەوامیدان بە هەڵمەتی گەردەلوولی جزیر، سوپای ڕژێمی سووریا خاڵەکانی قەسەدەیان لە گوندەکانی دێرەزۆر کردە ئامانج و ویستیان ڕێگری لە شەڕی دژەتێرۆر بکەن. له و چوارچێوەیەدا هێزەکانی ڕژێم شەوی ڕابردوو و نیوەڕۆی ئەمڕۆ خاڵەکانی قەسەدەیان بەئامانج گرت. هەوڵیاندا بەره و هەرێمەڕزگارکراوەکان پێشڕەوی بکەن و دەربازی 4 گوندە ڕزگارکراوەکە بن. هێزەکانی قەسەدە وەڵامی هێرشی هێزەکانی ڕژێمیان دایەوە و ئەمڕۆ دەستیان بەسەر 4 گوندی ژێر دەستی ڕژێمدا گرت.
#29-04-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,550