دوابەدوای ڕاگەیاندنی دەرئەنجامەکانی پرۆسەی هەڵبژاردنی ئەنجوومەنی نوێنەرانی عێراق، نیگەرانی و گومان لەو دەرئەنجامانە بڵاوبۆوە، ئێمەش وەکو #پارتی دیموکراتی کوردستان# بە شێوەیەکی فەرمی لە بەیاننامەی مەکتەبی سیاسیماندا ڕامانگەیاند کە لە دەرئەنجامەکان گومانمان هەیە و غەدرێکی زۆریش لە پارتی کراوە، بۆیە بۆ ڕەواندنەوەی کۆی گومان و نارەزاییەتییەکانی لایەنەکان بە باشی دەزانین کۆمیسیونی باڵای سەربەخۆیی هەڵبژاردنەکان لە چوارچێوەی یاسادا کاری پێویست ئەنجام بدات.
ئێستاش بابەتی دەرئەنجامەکان بووەتە ئاڵۆزییەکی زۆری ڕاگەیاندنەکان و هەر کەس و لایەنێک بە شێوازێک شرۆڤەی دەکات و بەئاقارێکدا قسەی لەسەر دەکا، بۆیە و لە ڕوانگەی هەست بە بەرپرسیارییەتی و بە خەمەوە بوونی پاراستنی سەقامگیری و ڕەواندنەوەی گومانەکان، هەر بریارێک بدرێت بە ڕێگای یاسایی بۆ ژماردنەوەی دەنگەکان بەدەست و بۆ مەبەستی گێرانەوەی متمانەی لایەنە سیاسییەکان و دەنگدەران، ئێمە بە باشی دەزانین و تەئیدی دەکەین.
شایەنی باسە بریاری ئەنجوومەنی نوێنەرانی عێراق کە بە تەنیا دەرئەنجامەکانی هەرێمی کوردستان و کەرکووک ئیلغا دەکاتەوە، ڕەت دەکەینەوە و بە بریارێکی سیاسی دەزانین...
هەروەها لە پێناوی چارەسەری کێشە و ڕەواندنەوەی گومانەکان و زیاتر ئاڵۆز نەکردنی بارودۆخەکە، ئامادەی هەموو جۆرە هاوکارییەکین کە بە ڕێگای دەستووری و یاسایی هەنگاوی بۆ بهاوێژێ.
محمود محمد
وتەبێژی پارتی دیموکراتی کوردستان
#30-05-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,825
Scrivi il tuo commento su questo articolo!