$باکووری کوردستان$
- لە کۆڵانی ئەرەس لە گەڕەکی والی میدحەد لە ناوچەی ڕییا ئارموش لە #وان# شەڕ ڕوویداوە و بەو هۆیەوە 2 کەس کوژراون و 3 پۆلیس برینداربوون و برینی یەکێکیان قورسە. ڕووداوەکە کاتژمێر 00:20ی شەوی ڕابردوو ڕوویداوە و دەیان ئۆتۆمبێلی زرێپۆش گەڕەکی والی میدحەد و کۆڵانی ئەرەسیان گەمارۆداوە و تاوەکو بەرەبەیان دەنگی تەقە بیستراوە.[1]
- لە شاری ئیستانبول پۆلیسی تورکیا هەلیانکوتایەسەر بارەگای #هەدەپە# لەناوچەی سانجاق تەپە-ی ئیستانبول، لەو هێرشەدا هاوسەرۆکی هەدەپە-ی سانجاق تەپە ئیلکنور یووسفۆۆغڵوو وبەڕێوەبەری هەدەپە-ی شاری ئیساتنبول نەوزاد کلینچ و 16 ئەندامی دیکەی هەدەپە-یان دەستگیرکرد.[1]
$رۆژهەڵاتی کوردستان$
- بەگوێرەی هەواڵێکی کەمپەینی بەرگری لە زیندانیانی سیاسی ومەدەنی، ئێوارەی دوێنێ پۆلیسی شاری تاران-ی پایتەختی ئێران تەرمی #مریەم فەرەجی#ی بە سووتاویی دۆزیوەتەوە و پاش وەرگرتنی تێستی دی ئێن ئەی لە باوکی ناسنامەکەی پشتڕاست کردووەتەوە.[1]
$رۆژئاوای کوردستان$
- چەتەکانی فیرقەی حەمزەی سەر بە سوپای تورکیای داگیرکەر لە گوندی ئایسکۆی ناوچەی شێراوی #عەفرین# 7 گەنجیان ڕفاندووە. چەتەکان ئەو 7 گەنجەیان بردووەتە کێڵگەکانی ئەو گوندە و بە قورسی ئەشکەنجەیان کردوون. ناوی ئەو کەسانەی لەلایەن چەتەکانی تورکیاوە ڕفێندراون بریتن لە: 1- عومەر ئیبۆ تەمەن 25 ساڵ، 2 – حەسەن بازۆ تەمەن 19 ساڵ، 3 – محەمەد حەسەن ئیبراهیم تەمەن 23 ساڵ، 4 – وەلید حەیدەر ئیلکیلۆ تەمەن 38 ساڵ، 5 – عومەر جومعە ئەلۆکۆ تەمەن 30 ساڵ، 6 – عومەر نازۆ تەمەن 31 ساڵ، 7 – عەبدۆ خۆجە تەمەن 35 ساڵ.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,537
Scrivi il tuo commento su questo articolo!