دواڕۆژ، #کۆچەر عەلی#
لە هەرێمی کوردستان 268 قوتابخانە مەترسی ڕووخانیان لەسەره و بەشێکیشیان تاوەکو ئێستا کارەبایان بۆ دابین نەکراوە، بەرپرسێکی #وەزارەتی پەروەردە#ش ڕایدەگەیەنێت، #وەزارەتی دارایی# بوجەی پێویست بۆ نۆژەنکردنەوەی ئەم قوتابخانانە دابیندەکات.
ئەحمەد #کەرکووک#ی، ئەندامی سکرتاریەتی یەکێتیی مامۆستایانی کوردستان بە دواڕۆژی ڕاگەیاند دەستپێکردنەوەی پڕۆسەی خوێندن نزیک بۆتەوه و پێویستە حکومەتی هەرێم بە جددی ئاوڕێک لە کەرتی پەروەرده و قوتابخانە کۆنەکان بداتەوە، چونکە بەپێی ئه و ئامارانەی لە وەزارەتی پەروەردە وەرگیراون 268 خوێند‌نگە مەترسی ڕووخانیان لەسەره و 100 خوێندنگەی تریش تاوەکو ئێستا کارەبایان بۆ دابین نەکراوە.
کەرکووکی ئاماژەی بەوەشکرد، گەر حکومەت کێشەی ئه و قوتابخانانە چارەسەر نەکات، گیانی سەدان هەزار قوتابی دەکەوێتە مەترسی و پرۆسەی خوێندنیش لە ساڵی ڕابردوو خراپتر دەبێت، هەربۆیە وەک یەکێتی مامۆستایان داوایان لە وەزارەتی پەروەردەی حکومەتی هەرێم کردووە پێش دەستپێکردنی پرۆسەی خوێندن دەست بکات بە نۆژەنکردنەوەی ئه و قوتابخانانەی مەترسی ڕووخانیان لەسەرە.
ئەندامی سکرتاریەتی یەکێتی مامۆستایان ئەوەشی خستەڕوو، بەپێی داتایەکی وەزارەتی پەروەردە، لە خوێندنی 2017-2018، 328 قوتابخانە ئاستیان زۆر خراپ بووە، هەروەها 997 قوتابخانەش ئاستیان خراپ بووە.
لای خۆشییەوە یوسف عوسمان، بەڕێوەبەری گشتی پلان لە وەزارەتی پەروەردەی حکومەتی هەرێم بە دواڕۆژی ڕاگەیاند، پێش ماوەیەک نوسراوێکیان ئاراستەی وەزارەتی دارایی کردووە بۆ دابین کردنی بودجەی پێویست بۆ نۆژەنکردنەوەی ژمارەیەک قوتابخانە.
بەڕێوەبەری گشتی پلان لە وەزارەتی پەروەردە وتیشی وەزارەتی دارایی ڕەزامەندی لەسەر داواکارییەکە داوه و داوای کردووە دەرخستەیەک لەسەر ئه و قوتابخانانە بکەین بۆ ئەوەی بزانرێ بودجەی چەندی پێویسته و لەهەمانکاتدا دەبێت بودجەی تایبەت بۆ دەستپێکردنەوەی پڕۆسەی خوێندنیش تەرخان بکرێت.[1]
#07-08-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,113
Scrivi il tuo commento su questo articolo!