دواڕۆژ، رەڤەند گوھەرزی
بەرپرسێ راگەھاندنا رێڤەبەریا ساخلەمیا پارێزگەھا دھۆکێ ئامارێن رۆژانێن جەژنێ ل پارێزگەھا دھۆکێ ئاشکەراکرن و راگەھاند، ل رۆژانێن جەژنا قوربانی 503 زارۆ ژ دایک بووینە و 32 کەسان گیانێ خوە ژ دەست دایە.
حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھۆکێ بۆ دواڕۆژ راگەھاند، ل رۆژانێن جەژنا قوربانی 13 ھزار و 182 کەسان سەرەدانا بنگەھێن ساخلەمیێ و نەخۆشخانان کریە و ژ وان ژی 396 کەس ل دەزگەھێن ساخلەمیێ ھاتینە نڤاندن و 74 نشتەرگەریێن جودا بۆ نەخۆشخان ھاتینە ئەنجام دان.
گۆت ژی ل رۆژانێن جەژن 503 زاروک ژ دایکبووینە و ژوان 222 کچ و 281 کوڕ بووینە 32 کەسان ل پارێزگەھا دھۆکێ ب روودانێن جودا ژیانا خوە ژدەستدایە.
رەزیکی دازانین کو، 32 روودانێن ترۆمبێلان ھەبووینە کو بووینە ئەگەرێ ژیان ژدەستدانا سێ کەسان و سێ حالەتێن خەندقینێ ژی ل سنورێ دھوکێ روویداینە و 28 حالەتێن سۆتنێ ھاتنە تومارکرن کو دوو ژ وان ھاتینە نڤاندن .
ناڤھاتی دیارکر ژی حالەتەکێ بزاڤا خوە کوشتنێ ھەبوویە و 21 حالەتێن ب شەرچوونێ ژی ھاتینە تۆمارکرن و ژ ئەگەرێ گولەیێن ئاگری ژی دو کەس بریندار بووینە و 391 کەس ژی ژەھراوی بووینە.
ل ناوەران و باشیک تیمێن ساخلەمیێ 302 نەخۆش چارەکرینە و 82 نەخۆش بۆ دەزگەھێن ساخلەمیێ ڤەگوھاستینە و زێرەڤانیا ساخلەمیێ 129 سەرەدان بۆ جھان کرینە و حەفت ھوشداری داینە و 10 جھ ژی ب کۆژمێن پارەیی سزا داینە.[1]
#25-08-2018#
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 3,294
Scrivi il tuo commento su questo articolo!