ناوەندی ڕاگەیاندنی هێزەکانی پاراستنی گەل (#هەپەگە#) لە ڕاگەیەنراوێکدا ئاشکرای کرد، هێزەکانی گەریلا ڕێکەوتی 29-30ی ئاب\7-8ی خەرمانان 2 چالاکییان لە دژی سوپای تورکیای داگیرکەر ئەنجامداوە. هەپەگە ئاماژەی بۆ ئەوە کردووە کە چالاکییەکان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری ئەنجامدراون.
لە ڕاگەیەنراوی هەپەگەدا هاتووە، (29ی ئاب\7ی خەرمانان کاتژمێر 11 هێزەکانمان لە هەرێمی برادۆستی دەڤەری #سیدەکان#، لە گردی لێلیکان چالاکییەکیان لە دژی سەربازانی دوژمن ئەنجامداوە. هێزەکانمان لە دوو قۆڵەوە هەڵیانکوتاوەتە سەر ڕەبایەکانی دوژمن، لەم چالاکییەدا ڕوون نەبوویەوە کە چەند سەربازی تورکیا کوژراو و بریندار بوون.)
ناوەندی ڕاگەیاندنی هەپەگە ڕاشیگەیاند، (30ی ئاب\8ی خەرمانان کاتژمێر 7 هێزەکانمان دوو جار لە دژی هێزەکانی داگیرکەر لە گردی لێلیکان چالاکییان ئەنجامداوە. لە چالاکییەکەدا گورزی سەرکەوتوانە لە ڕەبایە و پەناگەکانی سەربازانی دوژمن دراوە، بەڵام ژمارەی سەربازە کوژراو و بریندارەکان ڕوون نەبووەتەوە.)
هەروەها هەپەگە لە ڕاگەیەنراوەکەیدا ئاماژەی بۆ ئەوە کردووە کە 29ی ئاب\7ی خەرمانان کاتژمێر 17 و 18 فڕۆکە جەنگییەکانی سوپای تورکیا دەوروبەری گوندی گوزێ-ی ناوچەی بەرگارێی سەر بە هەرێمی گارایان بۆردومان کردووە لە هەرێمەکانی پاراستنی مەدیا.
هەپەگە ڕایگەیاند، له و بۆردومانەدا هیچ زیانێک بە گەریلاکان نەگەیشتووە.[1]
#30-08-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 3,415
Scrivi il tuo commento su questo articolo!