ئەنجومەنی هەناردەکارانی تورکیا ئاشکرای کرد، هەناردەی دەرەکی تورکیا لە مانگی ئابی ڕابردوودا بەڕێژەی 6.5% کەمیکردوە و 12.4 ملیار دۆلار بووە.
بەپێی بەیاننامەیەکی ئەنجومەنی هەناردەکاران و وەزارەتی بازرگانی تورکیا، هەناردەی کاڵا و شمەک بۆ دەرەوە لە مانگی ئابی ڕابردوودا، بەبەراورد بە هەمان مانگی ساڵی 2017 بەڕێژەی 6.49% کەمیکردوە و 12 ملیار و 389 ملیۆن دۆلار بووە، هەروەک هاوردەش لە هەمان ماوەدا بەڕێژەی 22.38% کەمیکردوە و 14 ملیار و 875 ملیۆن دۆلار بووە.
بەپێی ڕاپۆرتەکە، بەرزترین ڕێژەی هەناردەکردن لە مانگی ڕابردوودا بۆ وڵاتی ئەڵمانیا بووە و ملیارێک و 129 ملیۆن دۆلار بووە و بریتانیاش دووەم بووە کە 912 ملیۆن دۆلار هەناردەکراوە و عێراقیش سێیەم بووە 650 ملیۆن دۆلار بووە.
روسیاش لە مانگی ڕابردوودا زۆرترین هەناردەی بۆ تورکیا کردوە و بەهاکەی یەک ملیار و 589 ملیۆن دۆلار بووە، چینیش بەبەهای ملیارێک و 447 ملیۆن دۆلار هەناردەی بۆ تورکیا کردوە و هەناردەی ئەڵمانیاش بۆ تورکیا ملیارێک و 280 ملیۆن دۆلار بووە.
ئەنجومەنی هەناردەکانی تورکیا ئاماژەی بۆ ئەوەشکردوە کە تورکیا لە مانگی ئابدا 12 ملیار و 395 ملیۆن لیرە گومرگی وەرگرتوە.[1]
#02-09-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,656
Scrivi il tuo commento su questo articolo!