لیژنە هاوبەشەکان دەستبەسەر بڕێکی زۆر هەنگویندا دەگرێت کە لە پشکنیندا دەرنەچووە، بەبڕیاری قایمقامی #سلێمانی#ش لەناودەبرێت.
ئازاد نەبی، نوێنەری بەڕێوەبەرایەتی تەندروستی سلێمانی لە لیژنە هاوبەشەکان ڕایگەیاند: لەلایەن بەڕێوەبەرایەتی ئاسایشی سلێمانی-یەوە زانیاریمان لەسەر بڕێکی زۆر هەنگوین بەدەست گەیشتووە، لەکاتی پشکنین لەلایەن لیژنەی سێ-ی سەربە لیژنە هاوبەشەکانەوە و بەهۆی هەبوونی گومانی خراپبوون، دەست بەسەر بڕێکی زۆر هەنگویندا دەگرن.
راشیگەیاند: ئەو هەنگوینەی دەستی بەسەردا گیراوە لە ئێرانەوە هاوردەکراوە، کە بڕەکەی 1800 کیلۆگرامە، نمونەی ڕەوانەی بەڕێوەبەرایەتی خۆپاراستنی سلێمانی کراوە بۆ پشکنین.
وتیشی: ئەنجامی پشکنینەکە بە (نەشیاو بۆ خواردن و بەکارهێنان) وەڵام دراوەتەوە.
ئاماژەی بۆ ئەوەشکرد: بەفەرمانی قایمقامی سلێمانی و لەلایەن لیژنەی تایبەت بە لەناوبردن تەواوی ئەو هەنگوینەی دەستی بەسەرداگیراوە، لەناوچەی تانجەرۆی شاری سلێمانی لەناودەبرێت و خاوەنەکەشی ڕوبەڕووی یاسا دەکرێتەوە.[1]
#15-10-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,867
Scrivi il tuo commento su questo articolo!