بەپێی هەواڵی گەیشتوو بە ئاژانسی هەواڵدەریی کوردپا، شارەداری شاری نەڵۆس سەر بە شاری #شنۆ#، ماوەی 7 مانگە پارەیان وەرنەگرتووە و ئەو کرێکارانە تەنیا توانییوانە بڕی 2 میلیۆن 500 هەزار تمەن لە شارەداری نەڵۆس وەربگرن.
بە وتەی یەکێک لە کرێکارانی شارەداری نەڵۆس، سەرەڕای دۆخی خرابی ئابووری و نەبوونی پارە بۆ کڕینی شتومەکی ڕۆژانە، ئێمە دەبێت دەست بە سواڵ کردن بکەین.
بە وتەی ئەو کرێکارە، ماوەی 7 مانگە شارەداری نەڵۆس، پارەی بە ئێمە نەداوە.
لە لایەکی دیکەوە، کرێکارانی شارەداری شاری #سنە# کە بە شێوەی وەرزی لەو شارەدارییە کار دەکەن، ماوەی 5 مانگە حەقدەستیان پێی نەدراوە.
ئەو کرێکارانە، نزیکەی 40 کەسەن و زۆربەیان لە کرێکارانی فەزای سەوزیی شارەداری ناوچەی 2 سنەن.
ڕێکەوتی 20ی خەزەڵوەر، ئەو کرێکارانە بە نیشانەی ناڕەزایەتی لە دواکەوتنی پارەی 5 مانگ مووچەکەیان لە بەردەم بینای ئەو شارەدارییە کۆبوونەوە و نارەزایەتییان دەربڕی.
کرێکارانی وەرزی لە کوردستان لەلایەن خاوەنکارەکانەوە لە ڕاستای وەچەنگ خستنی قازانجی زۆر، تووشی حاڵەتی کەڵکی نابەجێ وەرگرتن لەلایەن خاوەنکارەوە دەبن و بە گشتی هیچ کام لە یاساکانی کار کرێکاران ناگرێتەوە.[1]
#13-11-2018#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 3,019
Scrivi il tuo commento su questo articolo!