ئەگەر نەگەيشتيە کوێستانێ، هەڕوە دەربەندی گۆمەسپانێ
پشتی زنجيرە چيايەکانی(هەيبەسوڵتان و باواجی و کێشکە و سەفين) واتە بۆ باکور-يان لەکوردستاندا پێی دەوترێت(کوێستان) کەبارانی ساڵانەی مسۆگەرە و لە (500)مليمەتر کەمتر نابارێت و ناوچەی بەرز و سەرکەشن و باراناوی و فێنکن، بەڵام بۆ باشوری ئەم ڕەوەزشاخە چياييانە دەبێتە(گەرمێن-گەرميان) و بارانی ساڵانەی نامسۆگەرە و ڕێژەی بارانی ساڵانەی خۆی دەدات لە(200)مليمەتر بەتێکڕای ساڵانە و کەم باران و وشک و گەرمن، ئينجا لەنێوان(کێشکە و سەفين) دەربەندی(زيارەت و گۆمەسپانێ) هەيە و بەردەوام بێ کزەی کوێستان و نمەباران و چۆڕاگەی بەفرێ نابێت و نەرمەبايەک و جارجارەش ڕەشەبايەکی نێوان بەرزی چياکان و پێدەشتی دامێنی چياکانی هەيە و ساڵانی بەباران و زەنەباران دەبێتە زەنەک و مێرگ و گژوگيايەکی باش و ئاو ولەوەڕێکی باشی لێ دەڕسکێ و شوانکارەکانيش مەڕو ماڵەتەکانيان تێر لە گژوگيا و ئاو دەخۆنەوە، ئەم دەربەندە ئەم خاسيەتانەی کەهەيەتی نزيکە لە خاسيەت و تايبەتمەندی کوێستانان بۆ لە کوردەواری شاری پيرە هەولێرێ دەوترێت(ئەگەر نەگەيشتيە کوێستانێ،هەڕوە دەربەندی گۆمەسپانێ).
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,194