دواڕۆژ، پشتیوان جەمال
لە ماوەی ئەمساڵدا لە سنوری پارێزگای #سلێمانی# 227 کەس بەتۆمەتی بازرگانی و بەکارهێنانی ماددەی هۆشبەر دەستگیرکراون و بەرپرسێکی ئاسایشیش مەترسیدارترین جۆرەکانی ئه و ماددە هۆشبەرانە و سەرچاوەی هێنانیان بۆ هەرێم ئاشکرادەکات.
جەلال ئەمین بەگ، بەڕێوەبەری بەشی ماددە هۆشبەرەکان لە بەڕێوەبەرایەتی ئاسایشی سلێمانی بە دواڕۆژی ڕاگەیاند: ئەمساڵ 227 کەس بە تۆمەتی بازرگانی و بەکارهێنانی ماددەی هۆشبەر لەهەردوو ڕەگەزی نێر و مێ دەستگیرکراون کە هاووڵاتی هەرێم و دەرەوەشی تێدایە.
وتیشی: ماددە هۆشبەرەکانی تلیاک و شیشە زۆرترین ماددەن کە دەستیان بەسەردا گیراوە و شیشە لەهەموویان ترسناکترە.
بەوتەی بەڕێوەبەری بەشی ماددە هۆشبەرەکان ماددەی هۆشبەر لەدەرەوەی هەرێمی کوردستانەوە دەهێنرێن بەوپێیەی سنورێکی بەرفراوانی لەگەڵ کۆماری ئیسلامی ئێران هەیە و ئێرانیش لەگەڵ ئەفغانستان سنوری هەیە و ئەفغانستان گەورەترین وڵاتی بەرهەمهێنەری ماددەی هۆشبەرە.[1]
#17-12-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,938
Scrivi il tuo commento su questo articolo!