رۆژی 19-12-2018 شاندی دانوستاندنکاری #بزووتنەوەی گۆڕان# و پارتیی دیموکراتی کوردستان بۆ گفتوگۆکردن لەسەر قۆناخی پاش هەڵبژاردنەکانی هەرێمی کوردستان و پرۆسەی پێکهێنانی کابینەی نۆیەمی حکومەتی هەرێم، کۆبوونەوە.
کۆبوونەوەکە لە کەشوهەوایەکی بەرپرسانە و بە ئومێدی کارکردنی هاوبەش بەڕێوەچوو، هەردوولا جەختیان لەوەکردەوە کە پرۆسەی گفتوگۆکردن بەردەوامە بۆ دەستنیشانکردنی ئەو خاڵە هاوبەش و زۆرانەی لەروانگەی هەردوو شاند هەیە بۆ بەرنامەی کابینەی حکومەت بە ئامانجی باشترکردنی بژێوی خەڵک و چاکسازی ڕیشەیی لە هەموو بوارەکان.
کۆبوونەوەکە جەختی لەوەکردەوە کە گرنگە بەرنامەیەکی تۆکمەی هاوبەش دابڕێژرێت بۆ بوارەکانی شەفافیەت و بەهێزکردنی دامەزراوەکانی حکومەت لە بەڕێوەبردنی زیاتری خزمەتگوزارییەکان و ئیدارەدانی پەیوەندییەکانی هەرێمی کوردستان لەگەڵ بەغدا و کۆمەڵگای نێودەوڵەتی.
جەختیش کرایەوە لە دانانی بەرنامە و بەرپرسیارێتی هاوبەش بەمیکانیزمی گونجاوی جێ بڕوای لایەنە بەشداربووەکانی حکومەت، بنەمای سەرەکی بێت.
#پارتی دیموکراتی کوردستان#
بزووتنەوەی گۆڕان
#19-12-2018#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,878
Scrivi il tuo commento su questo articolo!