دواڕۆژ، هانا #چۆمان#ی
بەرپرسێکی باڵای #وەزارەتی ناوخۆ# ڕایدەگەیەنێت: حکومەتی هەرێم ساڵانە پێویستی بە نزیکەی 1.9 ملیار دۆلار هەیە بۆ دابینکردنی خزمەتگوزارییە سەرەتاییەکانی هاوڵاتیان و دابینکردنی پێداویستیەکانی ئاوارە و پەنابەران.
هۆشەنگ محەمەد، بەرپرسی ناوەندی بەرەنگاربوونەوەی قەیرانەکان لە وەزارەتی ناوخۆی حکومەتی هەرێم ئەمڕۆ پێنجشەممە 17ی کانونی دووەمی 2019 بە دواڕۆژی ڕاگەیاند: بەپێی ڕاپۆرتی مانگی 12ی ساڵی 2018 بۆمان دەرکەوتووە، حکومەتی هەرێم ساڵانە پێویستی بە نزیکەی یەک ملیار و 900 ملیۆن دۆلار هەیە بۆ دابینکردنی تەواوی خزمەتگوزارییە سەرەتاییەکانی هاوڵاتیان و دابینکردنی پێداویستیەکانی ئاوارە و پەنابەرە سووریەکان لە کامپەکاندا.
وتیشی: وەک لە ڕاپۆرتەکانماندا دەستنیشانمان کردوە، ڕێژەی ئاوارەبوون بەردەوام بوو لە ماوەی ساڵی 2018 و تائێستاش خەڵک ناچارن بە بەجێهێشتنی شوێنەکانیان بەهۆی نەبوونی ئاسایش و خراپی بژێوی ژیانیان، کە ڕوودەکەنە هەرێمی کوردستان.
رونیشیکردوە: لە 2018دا نزیکەی 32 هەزار و 222 ئاوارە و پەنابەر گەیشتوونەتە هەرێمی کوردستان. بە نزیکەیی 28 هەزار و 487 کەس لەوانە ئاوارەبوون و 3 هەزار و 397 کەسیش پەنابەری سووری بوون.
هۆشەنگ محەمەد وتیشی: لەئێستادا حکومەتی هەرێم 249 هەزار و 639 پەنابەری سووری و 20 هەزار و 757 پەنابەری تورکی و 13 هەزار و 62 و پەنابەری ئێرانی و 756 پەنابەری فەلەستینی لەخۆدەگرێت.
ئاماژەی بەوەشدا: زۆربەی ئاوارە و پەنابەرەکان لە هەرێم لەگەڵ کۆمەڵگەی خانەخوێ دەژین. لەکاتێکدا تەنیا 37٪ لەوانە لەناو کەمپەکان دەژین کە ژمارەیان 38 کەمپە. 50٪ ئاوارەکان لە پارێزگای #هەولێر# دەژین، 31٪ لە پارێزگای #دهۆک#، وە 19٪ لە پارێزگای #سلێمانی#.[1]
#17-01-2019#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,981
Scrivi il tuo commento su questo articolo!