لە درێژەی ڕەوتی خۆکوژی ژنانی کورد لە کوردستانی ڕۆژهەڵات، دوو ژنە هاووڵاتیی کورد خەڵکی شارەکانی #بۆکان# و #جوانڕۆ#، کۆتاییان بە ژیانی خۆیان هێنا.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی یەکشەممە 5ی ڕەشەممە، ژنێکی لاو خەڵکی شاری بۆکان بە ناوی شەوبۆ بایەزیدپەنا خەڵکی گوندی قوڵقوڵەی شاری بۆکان، کۆتایی بە ژیان خۆی هێنا.
ئەو ژنە لاوە بە هۆی کێشەی بنەماڵەییەوە، لە ڕێگای خۆهەڵواسین کۆتایی بە ژیانی خۆی هێناوە.
لە لایەکی دیکەوە هەمان ڕۆژ، ژنێکی تەمەن 44 ساڵ خەڵکی شاری جوانڕۆ بە ناوی س. عەزیزی لە ڕێگای خۆهەڵواسینەوە، کۆتایی بە ژیانی خۆی هێناوە.
ئەو ژنە هاووڵاتییە کوردە، پاش دەسدانە خۆکوژی، ڕەوانە نەخۆشخانەی ئەو شارە دەکرێت و پاش کاتژمێرێک گیانی لە دەست دەدات.
تۆڕی مافی مرۆڤی کوردستان، هۆکاری خۆکوژی ئەو ژنە هاووڵاتییە کوردەی بۆ خەمۆکی و کێشەی ڕۆحی گەڕاندووتەوە.[1]
#26-02-2019#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,846
Scrivi il tuo commento su questo articolo!