ئەکرەم ساڕکى، بەرپرسێ قەپانان ل گومرکا فێقى ل پارێزگەها دهۆک دووشەمب 2-09-2019 رۆهنکر: ئه و سماقا ل چیایێ پارێزگەها دهۆک هەین رێژەیەکا ئێکجار مەزنە و وەلاتى نەوێرن ژبەر تۆپبارانێن لەشکەرێ تورکیا بچنێ و هەر ل جهێ خۆ خراب دبن و ئەوا دهێتە چاندن و ل چیایێن نێزیک دهێنە چنین تێرا پێدڤیێن پارێزگەهێ هەیە و زێدەیە ژى و باژێرێ مووسل دشێت ببیتە بازاڕەکێ باش بۆ جۆتیاران لێ هێشتا ئێمناهى ل وى جهى ب دروستاهى بنەجه نەبوویە و جۆتیار نەوێرن گەلەک قەست بکەنێ، لێ قەبارەیەکێ کێم دچیتە وێرێ و بەسرا و بەغدا ژى.
دیارکر: سماقا سپى ژلایێ خێزانان ڤە دهێتە بکارئینان و دکەنە ناڤ خوارنێن خۆ دا و بهایێ وان ل گومرکێن فێقى ناڤبەرا 2000 بۆ 3000 دینارانە. ماهر سپیندارى، جۆتیارەکێ دەڤەرا ئامێدیێ یە : ئه و سماقا ل بیستانان دهێتە چاندن گەلەک ژ یا چیای باشترە چونکو تێڕ ئاڤ دبن و قەبارەیێ وان مەزنترە و ل دەمێ فرۆتنێ ژى ب بهایەکێ باشتر دچن و هندەکجۆرێ سماقا سپى هەتا کیلۆ ب 5000 دیناران ژى دهێتە فرۆتن. [1]
Questo articolo è stato scritto in (کرمانجی - کوردیی سەروو) lingua, fare clic sull'icona
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 2,666