وەزیری دەرەوەی ئێران ئەو ڕایگەیاند ئەمریکا کوردی سووریا بەکاردەهێنێت و دەڵێت لە هەوڵداین لەگەڵ هەرێمی کوردستان و تورکیا و سووریا کێشەی کورد لە سووریا چارەسەربکەین.
محەمەد جەواد زەریف، وەزیری دەرەوەی ئێران ئەمڕۆ لە پەرلەمانی وڵاتەکەی پەرلەمانی ئەو وڵاتەکەی باسی سیاسەتی ئێرانی کرد لەبەرامبەر ڕۆژئاوای کوردستان و وتی هەڵوێستی ئێمە زۆر ڕوونە، ئێمە ڕامانگەیاندووە تەنیا ڕێگەی سەقامگیری و پاراستنی ئاسایشی تورکیا، بوونی سەربازی حکومەتی ناوەندی سووریایە لە ناوچە سنوورییەکان و بەپێی ڕێککەوتنی ئادانا ئەو کارە دەکرێت، بەڵام لەڕێگەی هەنگاونان دژی یەکپارچەیی و سەروەری سووریا ناکرێ ئاسایش دابین بکرێت.
زەریف وتیشی لە کۆبوونەوەکانی ئاستانە، سەرۆک کۆمار ڕاشکاوانە ئەو پرسەی خستووەتەڕوو و لە کۆبوونەوەی ئەمدواییەی ئیستەنبووڵیش ئەو پرسەی بە ڕاشکاوانە باسکردووە.
دەشڵێت بەدڵنیاییەوە کۆماری ئیسلامی ئێران بڕوای وایە، ئاسایشی ناوچەکە بە جێبەجێکردنی دوو بناغە دابیندەکرێت، یەکەمیان ڕێزگرتنە لە سەروەریی و یەکپارچەیی خاک و ئاسایشی هەموو وڵاتانی ناوچەکە و دووەمیش پاراستنی مافی هەموو دانیشتووانە بەتایبەت خوشکان و برایانی کوردمان، ئێمە لە گفتوگۆکانمان لەگەڵ سووریا و تورکیا جەختمانکردووەتەوە و پێداگریی دەکەین و ئامادەیی خۆشمان دەربڕیوە، هاوکاریی بکەن بۆ ئەوەی حکومەتەکانی سووریا و تورکیا بتوانن ئەو کێشەیە بەپێی یاسا و ڕێسا نێودەوڵەتییەکان و بە ئامادەبوونی هیزە سوورییەکان و بە پاراستنی شکۆی دانیشتووانی ئەو ناوچەیە، چارەسەربکەن.
وەزیری دەرەوەی ئێران ئەمریکای تۆمەتبارکرد بەوەی هەوڵدەدات بە پشتیوانی لە گرووپێکی کوردی سووریا بەکاریان بهێنێت و وەک سەربازی خۆیان کەڵکیان لێ وەرگرێت وتی هەڵبەتە ئەم پرسە بچووکە و برایان و خوشکانی ئێمە لە سووریا بەدڵنیاییەوە دژی ئەو هەنگاوەن و بەرپرسانی هەرێمی کوردستان لە عێراق بەشێوەی فەرمی ئەو سیاسەتەیان قبوڵ نییە، ئێمە هەوڵدەدەین بە هاوکاری لەگەڵ هەرێمی کوردستان و حکومەتی سووریا و هەموو گرووپەکانی کورد لە سووریا ئەو کێشەیە بە هەماهەنگی لەنێوان هێزە سەربازییەکانی سووریا و تورکیا و بەبێ دەردەسەری بۆ کورد و عەرەبی ناوچەکە، چارەسەربکەین.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,992
Scrivi il tuo commento su questo articolo!