وتەبێژی بەڕێوەبەرایەتی توندوتیژی دژ بە خێزان و ئافرەتانی #سۆران#، ڕایگەیاند، لە شارۆچکەی سۆران، کچێکی 15 ساڵ بە لەچکەکەی خۆی خنکاند.
شەوی ڕابردوو لە یەکێک لە گەڕەکەکانی شارۆچکەی سۆران، کچێک بە لەچکەکەی خۆی، خۆی هەڵواسیوو گیانی لەدەستدا.
شێروان خالید، وتەبێژی بەڕێوبەرایەتی توندوتیژی دژ بە خێزان و ئافرەتانی سۆران، بە ڕۆژنیوزی ڕاگەیاند کاتژمێر 10ی شەوی ڕابردوو ئاگادار کراینەوە لە بوونی تەرمی کچێکی 15 ساڵە، بە ناوی ڤێنا ڕەشید حەسەن، دانیشتووی گەڕەکی بەرخۆدان لە شارۆچکەی سۆران، کە لە ماڵەوە بە لەچکەکەی خۆی، خۆی خنکاندووە.
وتیشی: هۆکاری خۆ خنکاندنەکەی نادیارە و تەرمەکەشی ڕەوانەی پزیشکی دادی #هەولێر# کراوە و پەڕاوی لێکۆڵینەوەی بۆ ڕێکخراوە.
ئەو وتەبێژە ئەوەشی خستەڕوو کە لەماوەی 10 مانگی ئەمساڵدا چەندین ڕووداوی کوشتن، خۆکوشتن و سوتانی ئافرەتان لە سنووری بەڕێوەبەرایەتیەکەیان تۆمارکراوە و ئەمەش دووەم ڕووداوی خۆخنکاندن بووە لەمساڵدا.
#04-11-2019#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,461
Scrivi il tuo commento su questo articolo!