بەو پەڕی دڵگرانی و ماتەمینییەوە هەواڵی شەهیدبوونی هەردوو سەرکردە شەهید حاج ئەبومەهدی موهەندیس، جێگری سەرۆکی دەستەی #حەشدی شەعبی# و شەهید حاج قاسم سولەیمانی-م پێگەیشت، کە ڕۆڵێکی گرنگ و کارایان گێڕا لە بەگژاچوونەوەی گرووپی تیرۆریستی #داعش# و ئەو جەنگەیان زۆر خۆنەویستانە و بە وێنایەکی جوانەوە بردەوە.
ئێمە ئیدانەی ئەو هێرشە دووژمنکارییە دەکەین کە فەرماندە ئەمنییەکانی حکومەتی عێراق دەکاتە ئامانج کە بێ گومان کاریگەری ئەمنی لەسەر عێراق و ناوچەکە دەبێت کە خوانەخواستە ئەگەر عاقڵمەندان دەنگی هەرە بەرزی چارەسەکردن نەبن و هەوڵی نەهێشتنی کاریگەری ئەو هێرشە دووژمنکارییە نەدەن کە هەڕەشەیە لەسەر ئاشتی ناوچەکە و عێراق.
داوا لە هەموو لایەک دەکەین کە دان بەخۆدا بگرن و دەنگی عەقڵ و ژیری زاڵ بکەن و بەرژەوەندی باڵای نیشتمانی بخەنە پێشەوە.
لەم دۆخە هەستیارەدا ئەرکمانە یەکێتیمان بپارێزین و ڕیزەکانمان یەک بخەین و جیاوازییەکان بە کاتی وەلا بنێین لە پێناو پارێزگاریکردن لە بەرژەوەندی نیشتمانی باڵا و پارێزگاریکردن لە سەروەری عێراق و ئاسایشەکەی، وڵات و گەلەکەی لە کارەسات و ململانێی چەکداری بپارێزن کە بۆ چوار دەیەیە وڵاتی گیرۆدە کردوە و تا ئێستاش پاشماوەی برینەکانی سارێژ نەبووە.
شکۆمەندی و نەمری بۆ شەهیدان و ئەوانەی کە خۆێنی خۆیان بەخشی لە پێناو عێراق و پارێزگاریکردن لە زەوییەکەی، داواکارین لە یەزدان هەمووان بەر ڕەحمەت و بەزەیی خۆی بخات و ئارامی و سەبووریش بە کەسوکاریان ببەخشێت.
وإنا لله وإنا إلیه ڕاجعون
#بەرهەم ساڵح#، سەرۆککۆمار
#03-01-2020#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 4,156
Scrivi il tuo commento su questo articolo!