لەدوای ئازادکردنەوەی شاری موسڵ تەنها 5%ی دانیشتوانی کوردی ئەو شارە گەڕاونەتەوە.
غەیاس سورچی لێپرسراوی ڕاگەیاندنی مەڵبەندی موسڵی یەکێتیی نیشتمانی کوردستان تایبەت بە PUKmedia ی ڕاگەیاند: پێشتر زیاتر 30%ی دانیشتوانی ناوەندی شاری موسڵ کوردبوون. بەڵام لەسەروبەندی هاتنی #داعش# و وێرانکردنی شارەکە، بۆ پاراستنی گیانی خۆیان هەڵاتوون و ماڵ و حاڵی خۆیان جێهشتبوو.
باسی لەوەشکرد: دواترو دوای ئازادکردنەوەی نزیکەی 5%ی دانیشتوانی کوردی شاری موسڵ گەڕاونەتەوە بۆ شوێنی خۆیان، ئەوانەشی نەگەڕاونەتەوە پەیوەندی بەنەبوونی متمانە هەیە بەهێزە ئەمنیەکان، لەبەرئەوەی ئەترسن لەوەی هاوشێوەی ساڵی 2014 یان بەسەر بێتەوە، کە زیاتر لە 3 بۆ4 فیرقەی سەربازی لەشارەکەدا بوون، بەڵام بەرامبەر بە 500 چەکداری داعش شکان و هەرچی چەک و تفاقی جەنگیان هەبووە بۆ تیرۆرستانی داعش جێهێشت.
سورچی باسی لەوەشکرد: بەڵام بەشی زۆری ئەو قەزاو ناحیەیانەی کە دانیشتوانەکانی کوردن، خەڵکەکەی گەڕاونەتەوە بۆ سەر ماڵ و حاڵی خۆیان، وەکو مەغمورو ناحیەکانی، شەنگال و ناحیەکانی، شێخان و ناحیەکانی.
لێپرسراوی ڕاگەیاندنی مەڵبەندی موسڵی یەکێتیی نیشتمانی کوردستان جەختیکردەوە: شاری موسڵ هێشتا زۆرترین شوێنەواری وێرانکاری بەسەرەوە دیارەو تەنها بەشی چەپی نەبێت ژیانی تێدا ئاسایی بووەتەوە، بەڵام بەشەکانی تری ئەو شارە وێرانەن وبۆنی ماڵوێ#ڕانیە#کانی داعشی لێوەدێت.[1]
#07-02-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,671
Scrivi il tuo commento su questo articolo!