بە بۆنەی سەد و بیست و دووەمین ساڵیادی ڕۆژنامەگەریی کوردی و دەرچوونی یەکەم ژمارەی ڕۆژنامەی کوردستان ی میر میقداد بەدرخانی ڕەوانشادەوە کە هاوکاتە لەگەڵ بیست و دووەمین ساڵیادی دامەزراندنی سەندیکای ڕۆژنامەنووسانی کوردستان، پیرۆزباییەکی گەرم لە سەرجەم ڕۆژنامەنووسانی کوردستان دەکەم و هیوای سەرکەوتن و پێشکەوتن بۆ سەرجەم ڕۆژنامەنووسان و سەندیکاکەیان دەخوازم.
ئەم ساڵ کە ئەو یادە دەکەینەوە، کوردستان و جیهان لەبەردەم هەڕەشەی پەتای کۆرۆنا و دۆخێکی نالەباردایە، ڕۆڵی ڕۆژنامەنووسان و میدیاکاران لە بڵاوکردنەوەی هۆشیاريی تەندروستی و خۆپارێزی لەو پەتایە و هاندانی هاووڵاتیان بۆ پابەندی بە ڕێنماییيەکانەوە، ڕۆڵێکی کاریگەر و بەرچاو بوو، بە ڕێزەوە دەینرخێنین، ئومێدەوارین هەرچی زووترە ئەو بەڵایە لە یەخەی مرۆڤایەتی ببێتەوە و ژیان لە کوردستان و جیهان ئاسایی بێتەوە.
لەم یادەدا وەک هەمیشە پشتیوانيی خۆمان بۆ ڕۆژنامەنووسان و ئازادیی کاری ڕۆژنامەگەری دووپات دەکەینەوە، لە ڕۆژنامەنووسانیش چاوەڕوانین هەمووان بەرپرسیارانە و پیشەیيیانە، مامەڵە لەگەڵ پرس و بابەتەکان بکەن، هەمیشە ئەو بڵندگۆیە بن کە هۆشیاری و زانیاريی ڕاست و دروست و هاوسەنگ دەگوازنەوە و پاراستنی ئاشتەوایيی کۆمەڵایەتی و سەقامگيريی سیاسی و بەرژەوەندییە باڵاکانی گەل و وڵاتەکەیان لەبەرچاو دەگرن.
سڵاو لە یادی ڕۆژنامەنووسانی شەهید و ئەو ڕۆژنامەنووسە پێشەنگانەی ژیانی خۆیان بۆ گەیاندنی ڕاستی و پێشخستنی ڕۆژنامەگەریی کوردستان تەرخان کرد.
پیرۆزبایی لە سەرجەم ڕۆژنامەنووسان دەکەم، هيوادارم ساڵی داهاتوو لە دۆخێکی لەبار و ئاسوودەدا یادی ئەم ڕۆژە و بۆنەکانی دیکە بکەینەوە.
#نێچیرڤان بارزانی#
سەرۆکی هەرێمی کوردستان
#21-04-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,037
Scrivi il tuo commento su questo articolo!