هەلبەستڤان و نڤیسەر
خەلیل دهۆکی
د ساڵا 1951 ئێ دە, ل باژارێ #دهۆک#ێ, ل کوردستانا باشوور ژ دایک بوویە. د سالا 1970 ئێ دە, دەست ب نڤیسینا هەلبەستان کریە. کورتەچیرۆک و ڤەکۆلینێن ئەدەبی ژی دنڤیسە. د پرانیا ئاهەنگ و فێستیڤالان دە, هەلبەست پێشکێش کرینە و د رۆژنامە و کۆڤارێن کوردی دە, چ ل ناڤ کوردستانێ و چ ل دەرڤەیی کوردستانێ بەلاڤ کرینە. د سالا 1973 ئێ دە, بوویە ئەندامێ ئێکەتیا نڤیسکارێن کورد. سەرنڤیسکارێ کۆڤارا بەربانگێ, ل سوێدێ بوویە. سەرنڤیسکارێ کۆڤارا نووبوونێ, ل کوردستانا باشوور بوویە. چەند سالا, سەرۆکێ کۆمەلا نڤیسکارێن کورد, ل سوێدێ بوویە. ئەندامێ ئێکەتییا نڤیسکارێن سوێدێ یە. ئەندامێ سەندیکا رۆژنامەڤانێن کوردستانێ یە. خەلاتێ زێرین یێ ئەدەبییاتا کوردی, ژ ئێکەتییا نڤیسکارێن کورد, وەرگرتیە.
سالا 1974 ئێ, بوویە پێشمەرگە و د رادیۆیا شۆرەشێ دە, کار کریە. د سالا 1982 ئێ دە, دیسان گەهشتیە شۆرەشا کوردی. لێ پشتی ئەنفالێن رەش, نەچار بوویە خوە بگەهینە وەلاتێ سوێدێ. سالا 2003ێ, ڤەگەریا وەلاتی و ل وەزارەتا رەوشەنبیرییێ شارەزا بوویە. لێ ژ بەر هن نەخوەشییان, ژ نەچاری دیسان ڤەگەرییا سوێدی.
$هەتا نها ئەڤ پرتووکێن ژێری چاپ کرینە:$
1. تە چ ڤیا و من نەانی. دیوانا هەلبەستان, کوردستانا باشوور 1982 . ب تیپێن ئەرەبی.
2. لەهەنگ. ل سەر نڤیسین و وەرگەراندنا چیرۆکێن کوردێن باکور, ژ تیپێن لاتینی بۆ یێن ئەرەبی. کوردستانا باشوور, 1983 . ب تیپێن ئەرەبی.
3. ئۆسمان سەبری, هەلبەستڤان و شۆرەشگەر. کوردستانا باشوور, 1983 . ب تیپێن ئەرەبی.
4. گازیەک ژ جەرگێ ئاسیا. دیوانا هەلبەستان, سوێد 1989. ب تیپێن لاتینی
5. من دگۆت و تە ڤەدگێرا. دیوانا هەلبەستان, سوێد 1990. ب تیپێن لاتینی.
6. راگرتن. دیوانا هەلبەستان, ب سوێدی و کوردی, سوێد 1990.
7. هەلبەستا هەڤچەرخ یا کوردی. بەرگێ , ئانتۆلۆژی, سوێد 1992. ب تیپێن لاتینی.
8. هەلبەستا هەڤچەرخ یا کوردی. بەرگێ , ئانتۆلۆژی, سوێد 1994. ب تیپێن لاتینی.
9. هەلبەستا هەڤچەرخ یا کوردی. بەرگێ , ئانتۆلۆژی, سوێد 1995. ب تیپێن لاتینی.
10. ئانتۆلۆژیا چیرۆکا نوو یا کورمانجێن باشوور. سوێد 1995. ب تیپێن لاتینی.
11. مرۆڤ و وەلات د هەلبەستێن رەفیق سابری دە. سوێد 1996. ب تیپێن لاتینی.
12. پەیڤ و تابلۆ داخڤن. سوێد 1997. ب تیپێن لاتینی.
13. هەلبەستڤانێ تەپەسەر و هەژاران, لەتیف هەلمەت. سوێد 1998. ب تیپێن لاتینی.
14. قەرتەلێ ژ بلنداهیێ دترسییا. لاش کلینتینگ. چیرۆک ژ بۆ زارۆکان. وەرگەر ژ زمانێ سوێدی, 1999. ب تیپێن لاتینی.
15. لێۆپۆلد. لاش کلینتینگ. چیرۆک ژ بۆ زارۆکان. وەرگەر ژ زمانێ سوێدی, 2000. ب تیپێن لاتینی.
16. دو پاتۆلێن بەفرێ. چیرۆک ژ بۆ زارۆکان. هیوا قادر. ژ کورمانجییا ژێری بۆ کورمانجییا ژۆری. سوێد 2001. ب تیپێن لاتینی.
17. مەرەقا ل سەر زرافێ . ینگەگرد و سڤەن زەتتەرلوند. چیرۆک ژ بۆ زارۆکان. وەرگەر ژ زمانێ سوێدی, 2001. ب تیپێن لاتینی.
18. مەرەقا ل سەر فیلی. ینگەگرد و سڤەن زەتتەرلوند. چیرۆک ژ بۆ زارۆکان. وەرگەر ژ زمانێ سوێدی, 2001. ب تیپێن لاتینی.
19. دۆکتۆرێ ژ هەموو تشتان دزانە. ماتس رەهنمان. چیرۆک ژ بۆ زارۆکان. وەرگەر ژ زمانێ سوێدی, 2001. ب تیپێن لاتینی.
20. مەرەقا ل سەر زرافێ و فیلی. دو پرتووک ژ بۆ زاراکان. ینگەگرد و سڤەن زەتتەرلوند. وەرگەر ژ زمانێ سوێدی, 2007. ب تیپێن ئەرەبی.
21. هەلبەستا هەڤچەرخ یا کوردی. چاپا دویێ. وەشانێن دەنگ. #ئامەد# 2007. ب تیپێن لاتینی.
22. مەم و زین یا کو مەلا مەهموودێ بازیدی, وەک جیرۆک, د سالا 1856 ئێ دە, نڤیسی. ژ تیپێن ئەرەبی ڤەگوهازتیە یێن لاتینی. وەشانخانەیا لیس ئێ, 2007 ئامەد. ب تیپێن لاتینی.
23. چەند ستێرێن گەش د ئەسمانا هەلبەستا نوو یا کوردی دە. دوهۆک 2008. ب تیپێن ئەرەبی.
24. قەفتەکا گولان, ژ باخچێ پەیڤ و داهینانا کوردان. هەڤلێر 2010. ب ب تیپێن ئەرەبی.
25. هەژارنۆ. هەموو بەرهەم. هەلبەست. وەشانخانیا لیسێ, دیاربەکر 2011. ب تیپێن لاتینی.
26. ئانتۆلۆژیا چیرۆکێن باشوور (ب رەنگەکێ بەرفرەهتر) وەشانخانەیا ئاڤەستایێ, یستەنبول 2011. ب تیپێن لاتینی.
27. ئانتۆلۆژیا هەلبەتا نوو یا کورمانجێن باشوور (ب رەنگەکێ بەرفرەهتر) وەشانخانەیا بەربانگێ, یستەنبول 2013. ب تیپێن لاتینی.
28. دێ رۆژ هلێ. چیرۆک. وەشانخانەیا لیسێ. 2014. ب تیپێن لاتینی.
29. دیوانا شەوچرا. هەموو بەرهەمێن هەلبەستڤانێ ناڤدار رەفیق سابری 1976 - 2017. ڤەکۆلین, بەرهەڤکرن و ڤەگوهازتن ژ تیپێن ئەرەبی. وەشانخانەیا لیسێ. دیاربەکر 2019. 607 رووپەل ئە.
چەندین پرتووکێن دن ژی, ل بەر چاپێ هەنە.