پارتی ئازادی و دیموکراسی ئێزیدیان- پادێ، بەبۆنەی کۆچی دوایی مستەفای حەسەنە گەورە پەیامێکی سەرەخۆشی بڵاوکردەوە، تێیدا دەڵێت: ڕەنج و ماندووبوونی مستەفای حەسەنە گەورە بۆ ناساندنی ئێش و ئازاری گەلەکەمان بەدنیا و ڕای گشتی هیچ کاتێک لەبیر ناکرێت، ئاماژە بەوەشدەکات، کە کۆچی دوایی مستەفا حەسەنە گەورە زیانێکی گەورەبوو بۆ گەلی کورد.
پارتی ئازادی و دیموکراسی ئێزیدیان- پادێ، بەبۆنەی کۆچی دوایی مستەفای حەسەنە گەورە، پەیامێکی بڵاوکردەوە.
لە پەیامەکەدا هاتووە: بێگۆمانین ئەو کەسەی بۆ گەلەکەی و مافە ڕەواکانی گەلەکەی تێکۆشان بکات و ڕەنج و ماندووبوونی هیچ کاتێک بەفیرۆ ناچێت و ناوی هەمیشە لەدڵ و گیانی گەلەکەیدا بەزیندوویی دەمێنێتەوە و لەلاپەڕەکانی مێژووی گەلەکەشیدا ناوی بە پڕشنگداریەتی دەدرۆشێتەوە.
پارتی ئازادی و دیموکراسی ئێزیدیان لەبەردەوامی پەیامەکەیدا دەڵێت: مستەفای حەسەنە گەورە، تێکۆشەرێکی ڕاستەقینی گەلەکەمان بوو و جێ پەنجەی لەناساندنی تاوانەکانی فەرمان و ئەنفال و جینۆسایدی سەرگەلەکەمان بەرای گشتی جیهان دیارە، بۆیە کۆچی ناوادەی کاک مستەفا دڵگرانی کردین و کۆچەکەشی خەسارێکی مەزنە بۆ گەلەکەمانە.
پادێ لەکۆتایی پەیامەکەیدا دەڵێت: مستەفای حەسەنە گەورە ڕۆژنامەڤان، ڕەخنەگەرێکی چاونەترس و بوێر و پێشمەرگەیەکی سەنگەری خەبات و کۆڵنەدەر بوو، ڕێگاکەی پڕ ڕێبوار و هەمیشە زیندوو دەمێنێتەوە، سەرەخۆشی خۆمان ئاراستەی کەس و کار و بنەماڵە و هەموو تێکۆشەرانی ڕێگای ئازادیخوازی گەلەکەمان دەکەین.[1]
#09-05-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,459
Scrivi il tuo commento su questo articolo!