44 ساڵ بەرلە ئەمڕۆ شۆڕشی گوڵان به سەرکردایەتيی #پارتی دیموکراتی کوردستان# هەڵگيرسا کە درێژکراوەی شۆڕشی مەزنی ئەیلوول بوو. به ورەیەکی بەهێزی بڕوابەخۆبوون و بڕوایەکی پتەوی نیشتمانپەوەرانە و ڕوانگەیەکی نوێی شۆڕشگێڕانەوە، بەردەوامیی بە تێکۆشانی گەلەمان بەخشی. یادکردنەوەی شۆڕشی گوڵان ڕێزلێنانە لە خەباتی گەل و تێکۆشان و ماندووبونی پیشمەرگە قارەمانەکانمان و دەربڕینی ستایش و ئەمەکدارييە بۆ خوێنی پاکی شەهیدان و خانەوادە سەربەرزەکانیان.
يادی شۆڕشی گوڵان کە کۆکەرەوەی هێزە نیشتیمانیيەکان و ئەزموونێکی سەرکەوتووی کار و خەباتی پێکەوەیيی لایەنه کوردستانیيەکانه و بەرەی کوردستانی لێوە دروست بوو، دەبێت هاندەرێکی بەهێز بێت بۆ هەمیشە نوێبوونەوه و هێنانەکایەی ڕوانگەی نوێ له شێوازی خەبات و تێکۆشانی نیشتمانیانەماندا. متمانەی کوردستانیان بە پەیام و ئامانجەکانی شۆڕش، پشتیوانیيەکی گەورە بوو بۆ گەشەسەندن و بەهێزبوونی له ماوەیەکی کورتدا بە ئیرادەیەکی پۆڵایينەوە.
ئەمڕۆ کاتێک يادی شۆڕشی گوڵان دەکەينەوە، لەپێشترین ئەرک و بەرپرسیاريەتيی هەموو لایەن و پێکهاتە کوردستانیيەکان، کارکردنی بەردەوامە بۆ پتەوکردنی یەکڕیزی و متمانە و گیانی لێبووردەیی و يەکترقبووڵکردن و بڕوابوون به بنەمای کاری پێکەوەیی بۆ زاڵبوون بەسەر هەموو ئه و ئاستەنگ و قەیرانانەدا کە ڕووبەڕوومان دەبنەوە، هەروەها بۆ پاراستنی دەستکەوتەکانی خەبات و قوربانیدانی گەلەکەمان و مسۆگەرکردنی ئایندەیەکی گەشتر.
بەرز و پیرۆز بێت (44)ەمین ساڵیادی شۆڕشی گوڵان. سڵاو لە خەبات و ماندووبووونی پێشمەرگە و تێکۆشەرە قارەمانەکانی شۆڕش و گیانی خۆڕاگریی گەلەکەمان. دروود بۆ گیانی پاکی شەهیدانی شۆڕشی گوڵان و سەرجەم شەهیدانی کوردستان.
#نێچیرڤان بارزانی#
جێگری سەرۆکی پارتی دیموکراتی کوردستان
#25-05-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,555
Scrivi il tuo commento su questo articolo!