ڕێکخستنەکانی مافی مرۆڤ لە هەرێمی #عەفرین#، بە ڕاگەیەندراوێک کوشتنی 'مەلەک نەبی'یان لەلایەن چەتەکانی دەوڵەتی داگیرکەری تورکەوە، شەرمەزارکرد.
ئەمڕۆ ڕێکخستنەکانی مافی مرۆڤ لە هەرێمی عەفرین بە ئامادەبوونی دانیشتووانی کامپی سەردەم و ئەندامانی ڕیکخستنەکە، ڕاگەیەندراوێکیان لەسەر کوشتنی 'مەلەک نەبی خەلیل جومعە'، کە لەلایەن چەتەکانی دەوڵەتی داگیرکەری تورکەوە بە شێوەیەکی دڕندانە کوژرا، بڵاوکردەوە، کە لەلایەن وەفا بەکر ئەندامی ڕێکخستنەکە خوێندرایەوە.
لە ڕاگەیەندراوەکەدا هاتووە: دەوڵەتی تورک بە ئامانجی تۆڵەکردنەوە لە ڕۆڵی پێشەنگی ژنانی، بە هەموو ڕێبازێک لە عەفرین #سەرێکانی# و گرێسپی، کردەوەکانی ئەنجام دەدات، بەم دواییەش ڕۆژی 23ی مانگی ڕابردوو 'مەلەک نەبی خەلیل جومعە'ی تەمەن 16 ساڵ، لەلایەن چەتەکانەوە ڕفێندرا و ڕۆژی 7ی ئەم مانگەش کوژرا و تەرمەکەی لە عەزاز دۆزرایەوە، مەلەک بە بیانوی ئەوەی پەیوەندیی لەگەڵ خۆبەڕیوبەرییەوە هەبووە کوژراوە، ئێستاش ڕێکخستنەکانی مافی مرۆڤ داوای ئاشکراکردنی چونییەتی ئەو ڕووداوە دەکەین.
هەروەها هاتووە: چارەنووسی چەندین ژن وەک مەلەک لە زیندانەکانی تورکیا نادیارە، گروپە چەکدارەکانی حەمزات، لە شاری عەفرین کردەوە و پێشلکاری دژەمرۆڤانە دژی هاوڵاتیان بەڕێوە دەبات، داوا دەکەین کۆمەڵگای نێودەوڵەتی لەسەر کوژرانی ژنی کورد مەلەک بێدەنگ نەبێت، چونکە ئەمە تاوانی شەڕە و پێویستە لێپرسینەوە بکرێت و کۆمیتەیەکی نێودەوڵەتی بۆ بەدواداچوون بۆ ڕاستییەکان و لێپرسینەوە دابمەزرێت، پێویستە گروپە چەتەکان کە لە عەفرین ئەو کردەوانە دەکەن، وەدەر بنرێن و هەرێمی عەفرین لەژێر چاودێری نێودەوڵەتیدا کۆنترۆڵ بکرێت.[1]
#08-06-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,125
Scrivi il tuo commento su questo articolo!