سەرۆکایەتی کۆماری عیراق داوای ڕاگرتنی ئه و پێشێلکاریانە دەکات کە دەکرێتە سەر سەروەری نیشتمانی، لە ئەنجامی ئه و پرۆسە سەربازیانەی چەندین جارە تورکیا ئەنجامی دەدات و ئاسمانی عیراق دەبەزێنێت و ژمارەیەک هاووڵاتی مەدەنی سڤیل دەکاتە قوربانی.
ئەم جۆرە کردانە بە پێشێلکردنی ڕوونی بنەمای نیەتپاکی دراوسێتی هەژمار دەکرێت، و پێچەوانەیەکی ئاشکرای نەریتە باوەکان و پەیماننامە نێو دەوڵەتییەکانە.
سەرۆکایەتی کۆمار ئەم پێشێلکاریانە سەرکۆنە دەکات، جەختیش دەکاتەوە لەسەر پێویستی چارەسەر کردنی کێشە سنووری و دۆسیە ئەمنیەکانی نێوان عیراق و تورکیا لە میانی هاوکاری و هەماهەنگی نێوانیان، و ڕەتکردنەوەی چارەسەری کێشە هەڵپەسێردراوەکان بەشێوەیەکی تاکلایەنە، و پێویستە ڕێز لە سەروەری عیراق بنرێت.
وتەبێژی ڕەسمی سەرۆک کۆمار
#26-06-2020#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,990