گوتەبێژی دەروازەی نێودەوڵەتیی ئیبراهیم خەلیل ڕوونکردنەوە لەبارەی سووتانی دوو بارهەڵگر دەدات کە ئێوارەی دوێنێ لە گۆڕەپانی دەروازەکە گڕیانگرت و دەشڵێ، کام میدیا دەیەوێت با مەیدانی سەردان بکات بۆ زانینی ڕاستیی بابەتەکە.
دووشەممە، 03-08-2020 کاتژمێر 05:10 لە گۆڕەپانی کۆمەڵگەی دەروازەی نێودەوڵەتیی ئیبراهیم خەلیل دوو بارهەڵگر سووتان. کامی کەمال، گوتەبێژی دەروازەی نێودەوڵەتیی ئیبراهیم خەلیل لە ڕوونکردنەوەکەدا ڕەتی دەکاتەوە دۆسیە و نووسینگەی دەروازەکە سووتابن.
لە ڕاگەیەندراوەکەدا ناوی شۆفێرەکان: ئەحمەد محەممەد سەیدۆ و نەبی حوسێن دوفرانش لەگەڵ ژمارەی ئۆتۆمبێلەکانیان (34LA6125 و 34OB145) ئاشکرا کراوە.
لەدوای ڕووداوەکە لە سۆشیاڵ میدیاکاندا وابڵاوکرایەوە نووسینگە و دۆسییەکانی نێو کۆمەڵگەکە سووتاون، بەڵام گوتەبێژەکەی دەروازەری نێودەوڵەتیی ئیبراهیم خەلیل ئەمە ڕەتدەکاتەوە و دەڵێ ئەم گوتانە ڕەتدەکەینەوە و بێبنەمان، هەر دەزگایەکی ڕاگەیاندنیش دەیەوێت؛ دەتوانێت سەردانی مەیدانیی بکات و ڕاستیی ڕووداوەکە ببینێت.
کامی کەمال جەخت دەکاتەوە لەوەی لە ڕووداوەکەدا زیانی گیانی نەبووە، بەڵام هەردوو بارهەڵگرەکە، کە کەلوپەلی هەمەجۆری وەک پێویستییەکانی بازاڕی ئۆنلاینیان تێدا بووە، سووتاون و ئاگرەکەش لەئەنجامی بەرزبوونی پلەی گەرما و بوونی کۆڵۆنیا و سپرا دروستبووە.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,888
Scrivi il tuo commento su questo articolo!