32 ساڵ لە مەوبەر ڕژێمی بەعسی عێراق لە چوارچێوەی پرۆسەی ئەنفالدا، دوا قۆناغی ئەنفالی لە بادینان ئەنجامدا و لەم شاڵاوەدا، هەزاران کەسی شەهید و بێسەروشوێن کرد و سەدان گوندیشی خاپوور کرد.
بۆ گەلی کوردستان ئەنفال، تەنها ڕووداو و ژمارە نییە، بەڵکو جینۆسایدکردن و هەوڵی سڕینەوەی میللەتێک بووە بە مێژوو و جوگرافیا و شوێنەوار و ژینگەکەیەوە، کە کاریگەرییەکانی تا دەیان ساڵی دیکەش دەمێننەوە.
ئەم یادە خەمناکانە پێویستە هەمیشە هاندەری زیاترمان بن بۆ داکۆکیکردن لە مافە ڕەواکانی میللەتەکەمان و یادکردنەوەی قوربانیانی ئەو تاوانانەی بەرامبەر گەلی کوردستان ئەنجام دراون. یەکێک لە مافە یاسایی و دەستووریەکانیشمان، قەرەبووکردنەوەی کەسوکاری ئەنفالکراوانە بە پێی بڕیاری دادگای باڵای تاوانەکانی عێراق.
لە کۆتاییدا سەری ڕێز و نەوازش بۆ شەهیدانی ئەنفال و سەرجەم شەهیدانی ڕێگەی ڕزگاریخوازی کوردستان دادەنەوێنم.
#مەسرور بارزانی#
سەرۆکی حکومەتی هەرێمی کوردستان
#25-08-2020#
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,588
Scrivi il tuo commento su questo articolo!