درۆ بناوانی نزیکه
کاکەی فەلاح لە دیوانی(چرۆ)دا وتویەتی:
کوڕێ بوو ناوی دارابوو
وریا و زیرەک و دانا بوو
هەرچی کەوتە بەرچاوانی
ئەچووە بنچ و بناوانی
بناوان واتە:بنەگە و پێگە وشوێنی سەرەکی و مەڵبەند و چەق وهەوار و نشینگە و...تاد، بناوان نزیکی واتە سەرچاوە و شوێنی سەرهەڵدانی دوور نییە، ئه و ئیدیۆمە بەشێوازیتریش دەگوترێت وەک(پەتی درۆ کورتە) یان(درۆ هەژارە هەموو کەس پێی دەوێرێت) لێرەشدا هەمان مانا دەبەخشێت، پەتی درۆ و سەروچاوەکەی زۆر دوور نییە و زوو بێت یان درەنگ ئاشکرا دەبێت، ئەوه ئیدیۆمە بۆ دڵدانەوە وڕێنوێنی و ئامۆژگارییە بۆ ئەوەی مرۆڤ لەدرۆکردن دوور بکەوێتەوە بۆیە کورد کردویەتییە ئیدیۆم دەفەرموێت(درۆ بناوانی نزیکە) گوزارشتە لەدڵدانەوە و ئاشکرابوونی سەرچاوەکەیەتی لەنزیکترین شوێن و کاتدا و هەروەها بێ هودەیی وشەرمەندەیی و بێ ئاکامی درۆ دەخاتە ڕوو بۆ ئه و کەسەی کە دەیکات. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,032