گەلێ لەمێژە عاشقم
لەگەڵ لەدایک بونم کاتێ لەیەکەم وێستگەی ژیان بومە سەرنشینی شەمەندەفەری تەمەن...ئەو ڕۆیشت و چوە دوەم وێستگەی تەمەن و هەرزەکاریم..هەرلەوکاتەوە من عاشق بووم..عاشقێک پڕپڕ ئومێدی سنەوبەری
عاشق بە (خوێندنەوەونوسین ولاپەڕەوپەرتوکەکانی مامۆستا ابراهیم ئەحمەدو شێرکۆ بێ کەس وشێرزاد حەسەن و یوسفی مەلا ڕەئوف و نالی) پڕپڕیان ئەکردم لەجوانی هزرو ڕوناکی دیدەکانم..من لەهەرزەکاریدا دەستەکانم گەلێ جیاوازبون لەدەستی هاوڕێکانم..هەمیشە گەرمی دەستی مەعشوقم منی پڕئەکرد لە توانەوە....هەمووشەوێ لەئامێزی قەڵەم و نوسیندا ئارام ئارام چاوەکانم ئەچوە خەو...شەمەندەفەری تەمەن بەردەوامە لەڕۆشتن و منیش سەرنشینە وێڵ و عاشقەکەی ئەوێ ڕۆژێ و جاری جارانم و فەنابوم لەئامێزی مەعشوقدا...تا ئەوکاتەی لەدوا وێستگەی تەمەن و ژیان دائەبەزم هەرمەعشوقەکەی جارانم و پەنجەکانم ئاوێتەن بە مەعشوق و هەرگیز هەستم سارد نابێت بەرامبەری..هەرگیز ژووانەکانم لەگەڵی دا فەرامۆش ناکەم...نوسین و قەڵەم دوانەیەکن...پڕاوپڕن لە توانەوەو ئاوێتەبونی ڕۆح...هەمیشەو هەمیشەو هەمیشە عاشقێکی دیوانەم بە نوسین....
بۆ سەرگۆڕەکەشم با نیگاکانی پەرتوک و پەنجەکانی قەڵەم و دڵە میهرەبانەکەی مەعشوق میوانم بێ....
ئارەزووی عەبدولخالق
پایزی 2019...
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 721
Scrivi il tuo commento su questo articolo!