(گوڵی سوور)
گوڵی سوور، ئەی کچی نەورۆز، ئەرێ کام دەست لەباخی ژین
لە بۆ یەک دەفعە بۆن کردن، بە ناکامی ئەتۆی هینا ؟
ئەوێستاکەش بە ژاکاوی،
وها بی قەدر و تۆزاوی،
لەسەر ڕێگا فڕیی داوی!
لە جەور و زوڵمی ئه و دەستە، پەری زادەی بەیان لەرزین،
لە دەوری ئەم چڵەی لێ ی بووی، پەپولەی زەردوسوور گریا !
منیش ئەی گوڵ دڵێکم بوو،
دڵێکی پڕ لە ئارەزوو،
بە سۆزی ئاوی حەز تینوو،
لە ناکاو لام فڕی بۆ لای کچێکی دولبەر و شیرین،
ئەویش ڕیشەی لەدەست گرت و، بەبێ ڕەحمی لەژێر پێ ی نا !
بە گریاوی و برینداری،
بە ڕوو زەردی و غەمخواری،
بە بێ ئومێد لە دڵداری،
گەڕاوە سینەکەی تارم، ئەوێستاش ئەی گوڵی غەمگین
لە تەنهایی سەرینت بێ، دە هانی ئەم دڵە توخووا …
(دڵدار) ی نەمر
هەولێر 1946
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,535
Scrivi il tuo commento su questo articolo!