دەقی پرسەنامەکەی #نێچیرڤان بارزانی#:
بۆ کۆچی دوايی تێکۆشەر و پێشمەرگە و کەسايەتيی دياری کوردستان خوالێخۆشبوو ڕەسووڵ فەقێ، پرسە و سەرەخۆشی لە خانەوادە و کەسوکاری بەڕێزيان و دۆستان و هاوسەنگەرانی دەکەم و هاوخەميانم. لە خوای مەزن داواکارم گيانی خوالێخۆشبوو بە بەزەيی و ميهرەبانيی خۆی شاد بکات و سەبووری و دڵنەوايی بە خانەوادە و کەسوکاری ببەخشێت.
مام ڕەسووڵ فەقێ لە تەمەنێکی زووەوە دەستی بە خەبات کردووە و هەموو ژيانی خۆی بە تێکۆشان و پێشمەرگايەتی بۆ گەل و وڵاتەکەی بەسەر برد. له و ڕێگەيەدا ئاوارەيی و سەختی و زەحمەتی زۆری کێشاوە و لە شۆڕشی ئەيلوول و گوڵان و ڕاپەڕيندا ناو و پێگەيەکی دياری بەرپرسياريەتی و خەباتی پێشمەرگايەتی بووە. يادی بە خێر و گيانی شاد بێت.
نێچيرڤان بارزانی
سەرۆکی هەرێمی کوردستان
2022/1/1[1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 2,041
Scrivi il tuo commento su questo articolo!