دامرکاندنەوەی شۆڕشەکەی #جوامێر ئاغای هەمەوەند#
جوامێر ئاغای هەمەوەند ساڵی(1815)ی زایینی لەدایکبووە، لە تەمەنی گەنجیەوە دەبێتە سەرخێڵی هەمەوەند لە شارۆچکەی(#قەسری شیرین#) لە ناوچەی #سەرپێڵی زەهاو#ی شاری #کرماشان#، بە ئازایەتی و جوامێری ناوی دەرکردووە، دژی داگیرکاری قاجاری و عوسمانی جەنگاوە، دژی سنورە دەستکردەکانی هەردوو داگیرکەر بووە، کەناوچەکەیان لە نێوان خۆیاندا بەشکردووە، ناوچەکانی(خانەقین و #کەرکووک# و #چەمچەماڵ#) لە ژێر دەستی عوسمانیەکان و ناوچەکانی(قەسر شیرین و سەرپێڵی زەهاو) لە ژێر دەسەڵاتی قاجارییەکان بووە، ئه و شاروشارۆچکانەش شوێنی نیشتەجێبوون و زەوی و زاری خێڵ و هۆزی هەمەوەند بوون، بۆیە جوامێر ئاغا لە ناوچەکانی(کەرکووک و لەیلان و چەمچەماڵ و #دەربەندی بازیان# و قلیاسان و چەند شوێنێکیتر) پەلاماری عوسمانییەکان دەدات و زیانێکی گەورەیان پێ دەگەیەنێت بەهاوکاری هۆزەکانی(گلی و دەلۆ و باشکی و مامەلێسی و کێجی)، هەر بۆیە عوسمانیەکان و قاجارییەکان چەند هەولێک دەدەن لە ڕووبەڕوونوەکاندا بیکوژن، بەڵام بێ ئەنجام دەبێت، دواتر بەنامەردی بەناوی داوەتکردنەوە لەساڵی(1887)زایینی لە شاری(سەرپێڵی زەهاو) بەخۆیی و شەش پاسەوانەوە لەلایەن سەربازانی قاجارییەوە دەکوژرێن و دوای کوشتنیان سەرەکانیان لە لاشەکانیان جیادەکەنەوە و بە ڕمەکانیانەوە هەڵیاندەواسن، ئه و ڕووداوەش بەڵگە نامە مێژووییەکانی دیپلۆماتی قاجاری و عوسمانی تۆماریانکردووە و باسی ئه و هەوڵانەیان تێدا نوسراوە کە هەردوو باڵیۆزی قاجاری و عوسمانی داویانە بۆ تیرۆرکردنی جوامێر ئاغای هەمەوەند، دوای تیرۆرکردنی جوامێر ئاغا پلانی دوور خستنەوەی هەمەوەندەکان بۆ شوێنە دوورەکانی وەکو(ڕۆژئاوای ئەنادۆڵ و قوبرس و لیبیا و ئەفریقیا) جێبەجێدەکرێت.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 693